Silmaril
![](https://upload.wikimedia.org/wikipedia/commons/thumb/f/f3/Silmarillion%2C_Just_under_the_Cover.jpg/220px-Silmarillion%2C_Just_under_the_Cover.jpg)
Un Silmaril (in quenya: Silmaril, pl. Silmarilli, etiam latinisate in: Silmarilles) es un joiel fictive del legendario de Tolkien, illo que da le nomine al libro Le Silmarillion.
In le historia del operas litterari de J. R. R. Tolkien le Silmarilli son tres in toto, tres luminose joieles de immense beltate e perfection, create per le elfe Fëanor quando su gente, le noldor, ancora demorava in le regno immortal Valinor. Ille habeva capturate le luce del duo Arbores de Valinor in illos, e illos resplendeva de luce proprie. Nemo unquam comprendeva como Fëanor habeva complite le creation de tal objectos meraviliose, e nemo unquam attingeva replicar los, ni Fëanor ipse.
Lor valor era inestimabile, mesmo per le Valar, ergo le Vala Varda incantava le Silmarilles pro que necun mortal, necun mano impur, necun esser maligne poteva toccar los, nisi remanente aduste e deforme pro sempre.
Depost que Fëanor era esiliate in le fortalessa Formenos, le Silmarilles era custodiate in un archetta crystallin.