Katja Suding

Katja Rita Suding es un feminin politico de Germania. Ella nascet li 30-im de decembre 1975 in Vechta e esset inter 2014 e 2021 li presidente del Líber Democratic Partise de Germania in Hamburg. In li septembre 2020 Suding anunciat su retraida del activ politica.

Personal e professional vive

Suding finit li scole in li annu 1996 in Vechta. Inter 1996 e 2003 ella studiat scientie de comunication, political scientie e romanistica in li universitá de Münster. Ella translocat a Hamburg e laborat paralelmen a su studies in li firma de su marito quam directoressa del department por marketing e public relationes. Inter 2002 e 2004 ella laborat quam directoressa in li forma Otto Office GmbH. Desde li annu 2004 Katka Suding labora quam índependent consiliera por public relationes e comunication.

Ella habitat separat de su marito e de su du filios in Rissen quel es un quartere de Hamburg. In li septembre 2020 Suding declarat su intention finir su political cariera. In li annu 2022 ella publicat su unesim libre Reißleine.

Political cariera

2006 Katja Suding devenit membre del Líber Democratic Partise de Germania.
2007-2009 Chef-redactora del partise-jurnal Große Freiheit quel es li organ del Líber Democratic Partise de Germania por membres in Hamburg.
2008-2011 Suding esset quam cive electet membre in li consilie del districte Altona in Hamburg-
2011 Suding es electet in li parlament de Hamburg e devenit membre in li presidentie del Líber Democratic Partise de Germania in Hamburg. Ella esset li prim-candidate del partise por ti election.
2014-2021 Katja Suding esset presidente del organisation del Líber Democratic Partise de Germania in Hamburg.
2015 Katja Suding es li prim-candidate del Líber Democratic Partise de Germania por li electiones in Hamburg.
2015-2017 Membre del parlament del país federal Hamburg.
2017 Katja Suding esset electet in li parlament de Germania por li Líber Democratic Partise de Germania .
2017-2021 Katja Suding esset membre del parlament de Germania.