Papa Benedicto I
| Benedicto I | |
|---|---|
 | |
| Panagrugi | 2 Hunio 575 |
| Pannakalpas | 30 Hulio 579 |
| Sinaruno | Juan III |
| Simmaruno | Pelagio II |
| Bukod a Salaysay | |
| Nagan a naipasngay | Benedictus |
| Naipasngay | ??? ??? |
| Pimmusay | 30 Hulio 579 Roma, Akin daya a Romano nga Imperio |
| Dagiti sabali pay a Papa nga agnagan ti Benedicto | |
Ni Papa Benedicto I ket isu ti Papa manipud idi 2 Hunio 575 aginggana idi 30 Hulio 579.
Ni Benedicto ket anak idi a lalaki ti amana nga agnagan ti Bonifacio, ken tinawtawagan idi ti Bonosus babaen dagiti Griego. Dagiti panagrukma dagiti Lombardo ket nagparparigata ti makisinnarita iti Bisantino nga Emperador idiay Kontantinopla, a nagtunton kadagiti gundaway ti panagpasingked ti pannkabutos kadagiti papa. Isu nga adda ti panagbakante iti gangani a sangapulo ket maysa a bulan iditi nagbaetan ti ipupusay ni Papa Juan III ken ti isasangpet ti imperial a pammasingked ti pannakabutos kenni Benedicto idi 2 Hunio 575.
Ni Benedicto ket naikkan ti estado, ti Massa Veneris, idiay teritorio ti Minturnae, kenni Abado Esteban ni San Marko "idiay asideg ti diding ti Spoleto" (San. Gregorio I, Ep. ix, 87, I. al. 30). Ti panagbisin ket simmurot kadagiti Lombardo, ken kadagiti bassit a balikas ti Liber Pontificalis nga adda ti kapanggepan kenni Benedicto, a naibagbaga nga isu ket pimmusay idi katengngaan ti panagganetgetna kadagitoy a pammarigat. Isu ket naipunpon idiay bestibula ti sakritia ti daan a Basilika ni San Pedro. Iti maysa a seremonia a natengngel idi Disiembre, isu ket nang-ordinado kadagiti sangapulo ket lima a padi ken dagiti tallo a diakono ken nagkonsegrado kadagiti duapulo ket maysa nga obispo.
Bassit laeng kadagiti rehistro a panaginnatang ti ruar ti Roma ti makatulong a mangipalawag ti pakasaritaan iti daytoy a Kinapapa ti nabatbati manipud ti pabaturay ni Benedicto, ken gapu kadagiti panagsinga a gapuanan babaen dagiti Lombardo idiay Italia, isu a mabalin a bassit laeng ti nabatbati.
Adda idin dagiti sangapulo ket innem a Papa nga agnagan ti Benedicto, ken dagiti pay tallo a Kontrapapa babaen ti isu met laeng a nagan. Add dagiti nanganan kalpasan daytoy a saan unay a naamammuan a papa, ngem kaaduan ti nakaala ti katuryan a naganda manipud kenni San Benedicto ti Nursia, ti nangbangon ti Benedictino a tignay ti monastiko. Iti pannakaisangsangayan, inbaga ni Papa Benedicto XVI kalpasan ti pannakabutosna nga isu ket nareggetan babaen kenni Papa Benedicto XV, nga isu ti nangiturong ti Simbaan kadagiti panagriribok ti Sangalubongan a Gubat I, kenni San Benedicto ti Nursia.
Dagiti nagibasaran
[urnosen | urnosen ti taudan]- Maysa kadagiti 16 a papa, a nainaganan kenni San Benedicto
- Mangiraman daytoy nga artikulo iti teksto manipud iti pablaak a mabirukan itan iti dominio a publiko: Chisholm, Hugh, ed. (1911). "Benedict". Encyclopædia Britannica (iti Ingles) (Maika-11 nga ed.). Cambridge University Press.
Mangiraman daytoy nga artikulo iti teksto manipud iti pablaak a mabirukan itan iti dominio a publiko: Herbermann, Charles, ed. (1913). "Pope Benedict I". Catholic Encyclopedia (iti Ingles). New York: Robert Appleton Company.
Dagiti akinruar a silpo
[urnosen | urnosen ti taudan]
Dagiti midia a mainaig ken ni Papa Benedicto I iti Wikimedia Commons
