George la 4ma di Unionita Rejio

George 4ma (George Augustus Frederick) (1762 til 1830) esis la Princulo di Wals e plu tarde rejo George 4ma, la rejulo di Unionita Rejio. Ilu regnis de 1820 til 1830.

Ye 15 di decembro 1785 George mariajesis kun Maria Fitzherbert, en chambro di elua domo en London. To eventis pos plura amor-aferi di George. Ilu minacis poniard-agar su se el ne mariajesis kun il. El esis plu evoza kam il de sis yari, esis duopla-vidvino e katoliko. George, evante min kam 25 yari, mustis ganar oficala aprobo por la mariajo, quon il ne recevis. Legale en Britania la mariajo esis nihila.

George duris havar amor-aferi pos la mariajo. En junio 1794 Maria informis ilu per letro ke lia afero esas finita. En 1795 George mariajesis kun Caroline, filiino di duko Karl 2ma di Braunschweig. Ca mariajo, qua esis oficale aranjita, ne esis sucesoza.

George esis la regento di la guverno di lia patro pos 1811.

Ilu duktis spensema maniero di vivo qua kontributas a la modi di Britana regenteso. Il esis meceno di nova formo di liberatempo, stilo e gustado. Il komisas John Nash por konstruktar royala paviliono en Brighton e rimodlar Buckingham-palaco, e Sir Jeffry Wyatville rikonstruktar Windsor-kastelo. George esis instrumento en la fondo di nacionala galerio en London e rejala kolegio en London.