Paketboto
![](https://upload.wikimedia.org/wikipedia/commons/thumb/9/91/Queen_Mary_2_05_KMJ.jpg/320px-Queen_Mary_2_05_KMJ.jpg)
![](https://upload.wikimedia.org/wikipedia/commons/thumb/1/10/Great_Eastern_painting_smooth_sea.jpg/320px-Great_Eastern_painting_smooth_sea.jpg)
Paketboto esas granda oceanala pasajero-navo, diferanta de krozonavo. Paketboti povas navigar dum multa dii o semani sen proximigar ula litoro.
Depos la yari 1840a, multa paketboti komencis trairar Atlantiko, unesme uzinta vaporomashini, e multi transportis enmigranti de Europa ad Amerika od Oceania. Kelka navi, exemple Titanic e Normandie, divenis notora por lia granda luxo e tragedial acidenti. Dum la mondomiliti paketboti uzesis por transportar trupi, od evakuar trupi e civili, exemple Germana navo MV Wilhelm Gustloff.
Depos la yari 1960a reakt-avioni komencis konkurencar forte kontre paketboti kom transporto-moyeno por pasajeri. Nun, li funcionas quale flotacanta hoteli qui anke navigas inter turistala loki, nome en Karibia e Mediteraneo.