Cutty Sark
![](https://upload.wikimedia.org/wikipedia/commons/thumb/c/ca/Cutty_Sark_%28ship%2C_1869%29_-_SLV_H91.250-164.jpg/280px-Cutty_Sark_%28ship%2C_1869%29_-_SLV_H91.250-164.jpg)
La navo Cutty Sark esis un de la lasta kliperi, konstruktita en 1869.
Ye 13 di oktobro 1870, Cutty Sark arivis ye London, pos olua unesma exkurso. La voyajo komencis de London ye 16 di februaro; la kargajo esis vino, wiskio e biro por la Chiniana urbo Shanghai. La navo departis de Shanghai ye 25 di junio; la kargajo esis teo. Cutty Sark esis seglo-navo konstruktata por rapida segl-iro, quo esis importanta pri komerco di teo. La navo kompletigis ok tala voyaji dum yaro. Ol esis inter le maxim rapida de klipero-navi, ed esis un de la lasta tala navi. Kande la Suez-kanalo apertesis en 1869, la teo-komercanti balde utiligis ca kanalo, uzante vapor-navi; seglo-navi, utiligante alizei cirkum Afrika, ne povis voyajar rapide tra la Suez-kanalo. Cutty Sark pose voyajis por lano-komerco inter Anglia ed Australia.