El Ayune
El Ayune od esas la maxim granda urbo dil disputata teritorio Westala Sahara, kun habitantaro 217.732 en 2014. L'urbo administresas de facto da Maroko.
On kredas ke la moderna urbo fondesis dal hispana kapitano Antonio de Oro en 1938. En 1940 Hispania selektis ol kom la chefurbo di Hispana Sahara.
El Ayune esas la chefurbo dil regiono El Ayune-Sakia El Hamra administrata da Maroko.
L'urbo dividesas dal sika rivero Saguia el-Hamra. Ye la suda latero esas l'anciena urbo, konstruktita da hispana koloniani. Katedralo de ta epoko esas ankore aktiva; olua sacerdoti servas ica urbo e Dakhla sude.
El Ayune od El Aaiún esas rispektive la Franca e Hispana transliterizuri dil Araba nomo Layun, qua signifikas "la fonti", refere l'oazisi qui furnisas l'urbo per aquo.