Henri la 1ma di Francia
| Henri la 1ma | ||
| ||
| Rejulo di Franki | ||
| Guvernisteso: | de la 14ma di mayo 1027 til la 4ma di agosto 1060 | |
| Precedanto: | Robert la 2ma | |
| Sucedanto: | Philippe la 1ma | |
| Personal informi | ||
| Naskodato: | 4 di mayo 1008 | |
| Naskoloko: | Reims | |
| Mortodato: | 4 di agosto 1060 | |
| Mortoloko: | Vitry-aux-Loges | |
| Spozo: | Mathilda de Frizia Anne de Kyiv. | |
Henri la 1ma (naskinta ye 4 di mayo 1008 en Reims, mortinta ye 4 di agosto 1060 en Vitry-aux-Loges*) esis rejulo di la Franki. Il guvernis de la 14ma di mayo 1027 til la 4ma di agosto 1060.
La regno di Henri 1ma di Francia komencis ye la morto di lua patro Robert 2ma di Francia ye la 20ma di julio 1031. Ilu balde subisis rebeleso, kande ilua stif-matro Constance esforcis establisar sua filiulo Robert (la yuna mi-fratulo di Henri) sur la trono; por to el asociis kun komto Odo (Eudes) la 2ma di Blois. Henri fugis a Normandia, ube ilu restis, dum ke la duko Robert la 1ma di Normandia kolektis suportanta nobeli qui esus pronta helpar Henri. Li koaktis Constance ed elua filiulo aden aranjuro, e Henri riganis sua trono. Kom rekompenso, Henri donis a Robert la sinioreso di Vexin, vicina komtio di Normandia. Dum la sequanta yari Henri asociesis kun la sucedanta duko William (Guillaume) 2ma di Normandia (ilqua divenis William la Konquestero di Anglia), ma il divenis envidiema pro la prodeso di William.