Hokeo sur glacio
![](https://upload.wikimedia.org/wikipedia/commons/thumb/5/58/Ilves-Blues_Feb_2008.jpg/320px-Ilves-Blues_Feb_2008.jpg)
![](https://upload.wikimedia.org/wikipedia/commons/thumb/c/c4/Icehockeylayout.svg/320px-Icehockeylayout.svg.png)
Hokeo* sur glacio esas sporto qua ludesas sur sketeyo inter du esquadi havanta 1 defensisto e 5 altra ludisti singla. La sketisti mustas duktar e frapar kauchuka disketo, probante ke ol enirez la golo dil opozanto, do enrejistranta punto. L'esquado qua reperas plusa punti vinkas la partio.
Ca varianto di hokeo* esas fizikala sporto, e la ludisti povas frapar o kolizionar kontre ka korpi dil opozanti. Pro to, li bezonas uzar protektili, exemple kaski e protektili en la gambi e brakii, e dika uniformi por suportar la koldeso, nam cakaze la hokeo-agro kovresas per glacio. Ca sporto inventesis en Kanada, e ludesis unesmafoye ye la 6ma di marto 1875. Ol divenis Olimpiala sporto en 1920, e ludesis unesmafoye dum l'unesma Vintrala Olimpiala Ludi, en 1924.
La maxim sucesoza landi en la hokeo sur glacio esas Kanada, USA, Rusia, Chekia, Suedia e Finlando.
Depos la yaro 1998 anke hokeo sur glacio por mulieri divenis Olimpiala sporto. Ja depos la yaro 1990 esas oficala mondala championkonkurso di hokeo sur glacio por mulieri.
La internaciona asociuro por hokeo sur glacio esas l'Internaciona Federuro por Hokeo sur glacio (IIHF).