Sitges
![](https://upload.wikimedia.org/wikipedia/commons/thumb/1/16/Sitges%2C_Catalonia_290_%288310467555%29.jpg/280px-Sitges%2C_Catalonia_290_%288310467555%29.jpg)
Sitges esas urbo situita cirkume 35 kilometri sudweste de Barcelona, en Katalunia, famoza mondvaste pro lua Filmo-Festivalo e Karnavalo.
Situita inter la Garraf Massif e la maro, ol konocesas pro lua plaji, nokto-klubi, e historiala situi.
Dum ke la radiki dil artala reputeso di Sitges devenas de la tarda 19ma yarcento, kande la kataluniana piktisto Santiago Rusiñol rezidis ibe dum la somero, l'urbo divenis centro por la kontrekulturo di la 1960a yari en Franco-ista Hispania, e konocesis kom "Ibiza en miniaturo".
Nunadie, l'ekonomio di Sitges esas fondita sur turismo e kulturo ed ofras plu kam 4.500 hotelo-liti, duimo de li en quar-stela hoteli.
Preske 35% de la cirkume 26.000 permananta habitanti esas de Nederlando, Britania, Francia e Skandinavia, la filii di qui asistas internaciona skoli en l'areo. Esas 17 plaji. Sitges esis anke la loko dil yarala Bilderberg-konfero en junio 2010. Sitges referesis kom la Saint-Tropez di Hispania, kun imoblo-preci preske tam alta kam ti dil maxim chera europana urbi; la precipua kauzo di to esas la loko apud la maro e la cirkondanta Parc Natural del Garraf. Proximeso al Aeroportuo Barcelona-El Prat esas anke grand avantajo.