Surveyor 1
![](https://upload.wikimedia.org/wikipedia/commons/thumb/4/4e/Surveyor-I-crater.jpg/220px-Surveyor-I-crater.jpg)
Surveyor 1 esis la unesma kosmosondilo di Usa qua dolce atingis la surfaco di la luno.
Ol esis lansata ye la 30ma di mayo 1966, ed arivis ye la luno ye la 2ma di junio 1966 sur la Oceanus Procellarum (quar monati pos ke Luna 9 di USSR facabis dolca lunala arivo). Per sunala povo, ol transmisis plu kam 11 mil fotografuri di la surfaco, e transmisis TV-imaji; ol anke mezuris la temperaturo. La imaji montris ke, kontre ula supozadi, la navo ne sinkis aden profunda polvo-strato. Transmisi de Surveyor 1 duris til la 7ma di januaro 1967, pauzante dum lunala nokti. La informeso de ca misiono e sequanta simila misioni di la Surveyor-projeto esis importanta relate la selekto di apta loki por la projetita voyaji di homi a la luno per la Apollo-navi.