Kylian Mbappé
Kylian Mbappé | ||
![]() | ||
Upplýsingar | ||
---|---|---|
Fullt nafn | Kylian Mbappé Lottin | |
Fæðingardagur | 20. desember 1998 | |
Fæðingarstaður | París, Frakkland | |
Hæð | 1,78 | |
Leikstaða | Framherji | |
Núverandi lið | ||
Núverandi lið | Paris Saint-Germain | |
Númer | 7 | |
Yngriflokkaferill | ||
2004-2013 2013-2015 |
AS Bondy AS Monaco FC | |
Meistaraflokksferill1 | ||
Ár | Lið | Leikir (mörk) |
2015-2016 | AS Monaco FC(varalið) | 12 (4) |
2015-2018 | AS Monaco FC | 41 (16) |
2017-2018 | →PSG (lán) | 27 (13) |
2018- | PSG | 124 (100) |
Landsliðsferill | ||
2014 2016 2017- |
Frakkland U17 Frakkland U19 Frakkland |
2 (0) 11 (7) 53 (24) |
1 Leikir með meistaraflokkum og mörk |
Kylian Mbappé (fæddur 20. desember 1998) er franskur knattspyrnumaður sem spilar fyrir Paris Saint-Germain og franska landsliðið. Hann er fimur og fljótur framherji, er sterkur í rekja boltann og vinna einvígi í kapphlaupi um boltann.
Mbappé skaust á stjörnuhimininn með Monaco og hjálpaði liðinu að vinna sinn fyrsta titil í frönsku úrvalsdeildinni í 17 ár tímabilið 2016-2017. Tímabilið eftir hélt hann til PSG og varð annar dýrasti leikmaður sögunnar. Í mars 2023 varð hann markahæsti leikmaður félagsins eftir að taka fram úr Edinson Cavani.
Á HM 2018 varð Mbappé annar táningurinn til að skora á mótinu ( á eftir Pelé) þegar Frakkland vann keppnina. Hann var valinn besti ungi leikmaður keppninnar og skoraði þar 4 mörk. Mbappé vann gullskóinn á HM 2022 og skoraði þrennu í úrslitunum gegn Argentínu sem Frakkland tapaði í vítakeppni.
Mbappé skoraði 4 mörk í landsleik gegn Kasakhstan árið 2021 og var fyrsti leikmaðurinn frá 1958 til að gera svo [1]. Sama ár varð hann yngsti leikmaðurinn í sögunni til að skora þrjátíu mörk í Meistaradeild Evrópu.
Faðir Mbappé er frá Kamerún og móðir frá Alsír. Hann á 2 bræður sem einnig spila fótbolta.
Heimild
![](https://upload.wikimedia.org/wikipedia/commons/thumb/4/4a/Commons-logo.svg/30px-Commons-logo.svg.png)
- Fyrirmynd greinarinnar var „Kylian Mbappé“ á ensku útgáfu Wikipedia. Sótt 15. júlí 2018.
Tilvísanir
- ↑ Mbappé sá fyrsti síðan 1958 Fótbolti.net, sótt 15/11 2021