Bryggen

Bryggen (einnig þekkt sem Tyskebryggen) er röð bygginga eða vöruhúsa við Vågen-bryggjuna í miðbæ Björgvinar. Byggingarnar voru fyrst reistar af þýskum Hansakaupmönnum á miðri 14. öld þegar fiskverslun blómstraði. Bryggen hefur verið á lista UNESCO yfir heimsminjar frá 1979.

Húsin skemmdust í eldsvoða árið 1702 og 1955. Flest hafa verið endurbyggð þó steinkjallarar séu allt frá 15. öld. Árið 1976 var Byggen-safnið byggt á svæðum brunarústa.