Júlísku Alparnir
Útlit
![](https://upload.wikimedia.org/wikipedia/commons/thumb/c/ce/V_Julijci_imena.jpg/220px-V_Julijci_imena.jpg)
Júlísku Alparnir eru fjallgarður í Suðaustur-Ölpunum sem ná frá norðausturhluta Ítalíu inn í Slóveníu. Þar er hæsti tindurinn, Triglav, sem er hæsta fjall Slóveníu, 2.864 metrar yfir sjávarmáli. Næsthæsti tindur fjallgarðsins er Jôf di Montasio á Ítalíu, 2.755 metrar á hæð. Nafnið er dregið af nafni Júlíusar Caesars sem stofnaði bæinn Cividale del Friuli við rætur fjallanna. Júlísku Alparnir þekja um 4400 km² svæði. Stór hluti þeirra er innan Triglav-þjóðgarðsins.