Mehmed 2.
![](https://upload.wikimedia.org/wikipedia/commons/thumb/6/6e/Bellini%2C_Gentile_-_Sultan_Mehmet_II.jpg/220px-Bellini%2C_Gentile_-_Sultan_Mehmet_II.jpg)
Mehmed 2. (ottoman tyrkneska: محمد الثانى Meḥmed-i s̠ānī, tyrkneska: II. Mehmet), betur þekktur sem Mehmed sigursæli, var við völd í Ottómanaveldi frá árunum 1444 til 1446 og aftur frá 1451 til 1481. Mehmeds er minnst fyrir að hafa sigrað Konstantínópel sem er í dag Istanbúl. Þessi sigur á borginni batt enda á austrómverska keisaraveldið. Hann hélt landvinningum sínu áfram að því loknu og náði að leggja undir sig stór svæði í Suðaustur-Evrópu allt vestur að Bosníu. Hann er talinn vera einn af bestu herforingjum tímabilsins og lagði grunninn að útþenslu Ottómanaveldis.
Æviágrip
[breyta | breyta frumkóða]Mehmed var fæddur 30. mars 1432 í Edirne í Tyrklandi. Faðir hans var Murad 2. soldán en móðir hans hét Huma Valide Hatun. Þegar Mehmed var 11 ára var hann sendur til Amasya við Svartahaf til náms, til að kenna honum íslömsk fræði og undirbúa hann til að taka við soldánstitlinum af föður sínum. Þessi menntun hafði mikil áhrif á Mehmed og styrkti íslamstrú hans mikið.
Umsátrið um Konstantínópel
[breyta | breyta frumkóða]![Konstantínopel](https://upload.wikimedia.org/wikipedia/commons/thumb/3/36/THE_FALL_OF_CONSTANTINOPLE%2C_ITALY%2C_PROBABLY_VENICE%2C_LATE_15THEARLY_16TH_CENTURY._Private_coll..jpg/220px-THE_FALL_OF_CONSTANTINOPLE%2C_ITALY%2C_PROBABLY_VENICE%2C_LATE_15THEARLY_16TH_CENTURY._Private_coll..jpg)
Þegar Mehmed var 21 árs gamall stjórnaði hann hersveitum Ottómana í umsátri um Konstantínópel. Ottómanar náðu að sigra borgina á 53 dögum og var það í fyrsta sinn sem borgin var hertekin. Markaði það endalok austrómverska keisaradæmisins. Í framhaldinu vildi hann hertaka allar leifarnar af austurómverska veldinu og náði hann síðar yfirráðum yfir allri Anatólíu og Balkanskaga. Síðar titlaði hann sig rómverskan keisara og drottnara tveggja meginlanda og tveggja úthafa.
Heimildir
[breyta | breyta frumkóða]- Fyrirmynd greinarinnar var „Mehmed the conquerer“ á ensku útgáfu Wikipedia. Sótt 17. nóvember 2017.
- Encyclopædia Britannica Online, s. v. „Mehmed II“, skoðað 17. nóvember, 2017, https://www.britannica.com/biography/Mehmed-II-Ottoman-sultan#toc4754.