(Translated by https://www.hiragana.jp/)
سیرا لیون میں کم عمری میں شادی پر پابندی عائد
 
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سیرا لیون میں کم عمری میں شادی پر پابندی عائد

تازہ ترین
بین الاقوامی خبریں
04 جولائی ، 2024
تصویر بشکریہ عرب میڈیا
تصویر بشکریہ عرب میڈیا

سیرا لیون میں کم عمری میں شادی پر پابندی عائد کردی گئی۔

غیرملکی میڈیا کے مطابق سیرا لیون کے صدر جولیس ماڈا بائیو نے اس حوالے سے بنائے گئے قانونی بل پر دستخط کردیے۔

غیر ملکی میڈیا کے مطابق نئے قانون کے تحت 18 سال سے کم عمر لڑکی سے شادی کرنے والے کو کم از کم 15 سال قید اور تقریباً 4 ہزار ڈالر جرمانے کی سزا ہو سکتی ہے۔

غیرملکی میڈیا کے مطابق شادی کی تقریبات میں شرکت کرنے والے والدین اور دیگر افراد کو بھی جرمانے کا سامنا کرنا پڑ سکتا ہے۔

وزارت صحت کے مطابق نئی قانون سازی سے لڑکیوں کو بہتر طور پر تحفظ فراہم ہوگا، سیرا لیون میں لڑکیوں کی بڑی تعداد کی شادی 18 سال سے پہلے کردی جاتی ہے۔

وزارت صحت کے مطابق کم عمر میں حمل اور زچگی کے باعث اموات کی شرح میں بھی اضافہ ہوتا ہے۔

بین الاقوامی خبریں سے مزید