Aline Adita
Aline Adita | |
---|---|
![]() | |
Lair | Caroline Ingrid Adita |
Pakaryan | aktris, présènter |
Bojo | Aditya Tumbuan (pegatan) |
Caroline Ingrid Adita utawa kang luwih kondhang kanthi jeneng Aline Adita utawa Aline Tumbuan (lair ing Jakarta, 17 Juli 1980; umur 44 taun) iku modhèl, pranata cara, penyiar radhio, saka Indonésia.[1] Dhèwèké kondhang nalika dadi pranata cara ing Hot Spot lan Sexy Food Lover. Dhèwèké iku uga dadi penyiar Radio Cosmopolitan, lan ngurusi rubrik pitakonan winangsulan Ask Aline ing kalawarti wong lanang FHM.[1]
Dhèwèké iku kenya ayu kang duwé karemenan ngumpulaké lingerie, dhèwèké urip berbrayanan karo Aditya Tumbuan, anak lanang saka pasangan selebritis Rima Melati lan Frans Tumbuan nalika taun 2003.[1]
Aline lan Ayik (undangané Aditya) katemu nalika Aline nglakoni kagiyatan ing acara peragaan busana ing Walanda bebarengan karo Rima Melati lan Ramli.[1] Nalika iku Rima nepungaké dhèwèké karo anaké, Aditya Tumbuan, kang uripé ing Walanda.[1]
Kauripan bebrayanané karo Ayik ora nganti suwé. Limang taun urip bebrayan dirasa wis cukup kanggo Ayik lan Aline.[1] Nalika tanggal 30 Dhésèmber taun 2008 wingi, Aline lan Ayik wis resmi pegatan.[1] Pawarta pegatan sakloroné ora nganti dingertèni déning para wartawan medhia infotainment.[1] Sanajan wis diresmèkaké wis pisah, sakloron isih urip bebarengan.[1]
Rong taun dirasa sepi nalika sasi April taun 2010, Aline dikabaraké ngrasakaké rasa tresna manèh, pepujaning atiné dudu saka kalangan artis utawa saka donya hiburan, kaya dhèwèké.[1] Priya kang wis suwé ditepungi déning dhèwèké ya iku Chef kang nembé waé bali saka Amérika.[1][2] Priya mau duwé jeneng, dhèwèké njalin gayutan karo Juna nganti taunan suwené.[2] Chef Juna dhéwé, nuli tambah kondhang ing masarakat amarga panampilané nalika dadi juri ing ajang Master Chef Indonésia.[1] Sanajan awalé sakloron ora ngakoni gayutané, nanging para wartawan ngertèni manawa sakloron wis asring lumaku bareng.[1]
Karir
[besut | besut sumber]Wangun awaké Aline kang sampurna kanggo mamèraké klambi-klambi riptaané para perancang kondhang, agawé dhèwèké asring katon ing acara fashion show ing nagara-nagara liya, kaya ta ing Italia, Yunani, nganti ing Amérikah Sarékat.[1] Aline malah dipilih déning pamaca kalawarti lanang 'For Him Magazine' dadi wanita paling sensual ing pamilihan kang tajuké 100 Sexiest Women in the World 2005.[1]
Bebungah kang bisa dibanggakaké déning dhèwèké lan bisa agawé kariré ing donya modhèl awit taun 1995 nalika dhèwèké nggabung karo sekolah modhe duwèkané Oky Asokawati.[1]
Dhèwèké iku wanita kang duwé rasa sosial kang gedhé, ing sasi April 2010, Aline aktif ngampanyekaké obahan anti Aids menyang sekolah-sekolah lan kampus-kampus.[1] Aline uga asring katon ing konsèr amal kanthi tajuk In The Name of Love kang ancasé kanggo ngumpulaké bandha kanggo wong kang duwé lelara AIDS kang ora mampu anggoné olèh pangobatan.[1]
Filmografi
[besut | besut sumber]- Aku atau Dia (2010)
- Cinta Cenat Cenut (2011)
Cathetan sikil
[besut | besut sumber]
![]() | Artikel biografi iki minangka artikel rintisan. Kowé bisa ngéwangi Wikipédia ngembangaké. |
- Kabèh artikel mawa pranala njaba sing mati
- Artikel mawa pranala njaba sing mati kawit October 2023
- Articles with invalid date parameter in template
- Artikel mawa pranala njaba sing mati permanèn
- Pages to import images to Wikidata
- Modhèl Indonésia
- Aktris Indonésia
- Pranata cara télévisi Indonésia
- Wong Jakarta
- Marga Tumbuan