Apus
APUS | |
---|---|
![]() | |
Cekakan | Aps |
Genitif | Apodis |
Asensio rekta | 16 |
Deklinasi | −75 |
Area | 206 derajad pesagi (#67th) |
Lintang utama | 4 |
Lintang Bayer/Flamsteed | 12 |
Lintang mawa planèt | 2 |
Lintang padhang | 0 |
Lintang cedhak | 0 |
Lintang paling padhang | |
Lintang paling cedhak | HD 128400 ( tc) |
Obyèk Messier | None |
Udan météor | None |
Rasi lintang sing wewatesan | Triangulum Australe Circinus Musca Chamaeleon Octans Pavo Ara |
Katon antara lintang +5° lan −90°. Katon paling cetha ing wektu 21.00 jroning sasi July. ' | |
Apus inggih punika salah satunggaling rasi lintang ingkang lemah lan mapan wonten ing belahan langit sisih kidul. Rasi lintang Apus kaping sepisanan dipunbiwarakaken kawontenanipun inggih ing pungkasaning abad kaping enem welas. Apus wonten ing basa Yunani gadhah teges "tanpa sikil" lan punika nggambaraken satunggaling manuk ingkang salah satunggalipun dipunpitados boten gadhah sikil. Rasi lintang Apus inggih dipunkiteri déning rasi lintang sanèsipun inggih punika rasi lintant Trangulum Australe, Circinus, Musca, Chamaeleon, Octans, Pavo, lan Ara.
Sajarah
[besut | besut sumber]Apus inggih punika salah satunggal saking kalih welas rasi lintang ingkang dipunandharaken wonten ing abad kaping kalih déning astronom saking Prancis inggih punika Petrus Plancius saking asiling observasi déning astronom Pieter Dirkszoon Keyser lan Frederick de Houtman lan rasi lintang punika kaping sepisanan dipungambar wonten ing globe peta langit]] kanthi diameter 35 cm lan dipunwedalaken ing taun 1597 utawi 1598 ing Amsterdam déning Plancius kaliyan Jodacus Hondius.[1][2][3] Plancius nyebat rasi lintang Apus inggih kanthi nama "Paradysvogel Apis Indica"; tembung sepisanan saking basa Walanda kanggé manuk paradise.Cithakan:Dn Nanging sebatan sanèsipun kanggé Apus inggih saking basa Latin kanggé "tawon Indian"; "apis" (basa Latin kanggé tawon) inggih punika ugi dipunsebat "avis" utawi manuk.[1][3] Sasampunipun dipuntepangaken wonten ing globe kagunganipun Plancius, rasi lilntang Apus sepisanan dipungambar malih wonten ing atlas langit ing Uranometria kagunganipun Johann Bayer ing taun 1603, ingkang ing atlas punika rasi lintang Apus dipunsebat "Apis Indica".[1][3]
Lintang-lintang
[besut | besut sumber]Rasi lintang Apus gadhah dhérah ingkang ambanipun kirang langkung 206 drajat persegi lan boten ngewrat lintang ingkang dipunmangertosi minangka planit-planit. Rasi lintang punika saged dipuntingali ing garis lintang antawisipun +5° lan-90° lan badhé katingal ingkang saé piyambak manawi dipuntingali ing jam 9 dalu ing salebeting sasi Juli. Apus ingkang papanipun caket kaliyan kutub kidul ndadodasken wonten ing rasi lintang punika kapanggih sapérangan objek ingkang narik kawigatosan para panaliti kanggé dipuntliti. Globular cluster NGC 6101 mapan namung wonten ing sak loripun gamma Apodis, lan saged dipuntingali minangka satunggaling titik kanthi ukuran 4,5 inchi mawi teleskop. IC 4499 inggih punika lintang globular kluster sanèsipun ingkang ugi kalebet taksih enem wonten ing galaksi Bimasekti, ingkan kapanggih ing taun 1901. Galaksi spiral IC 4633 inggih punika satunggaling nebula ingkang strukturipun boten limrah ingkang wonten ing sak kiteripun rasi lintang Apus ugi. Galaksi punika ugi mapan wonten ing salebeting galaksi Bimasekti.
Déné lintang-lintang ingkang wonten ing rasi lintang punika ing antawisipun inggih kados makaten:
α Apodis inggih punika satungaling lintang ingkang ngemu cahya raksasa oranye ingkang tebihipun 411 taun cahya lan gadhah magnitudo 3,8.[2][3]β Apodis inggih punika satungaling lintang ingkang ngemu cahya raksasa oranye ingkang tebihipun 158 taun cahya lan gadhah magnitudo 4,2.[2]γ Apodis inggih punika satungaling lintang ingkang ngemu cahya raksasa oranye ingkang tebihipun 160 taun cahya lan gadhah magnitudo 3,9.[2]δ Apodis inggih punika tipe lintang rangkep kalih ingkang ngemu cahya raksasa abrit ingkang tebihipun 765 taun cahya lan gadhah magnitudo 4,7.
Rasi lintang Apus inggih taksih kalebet wonten ing kulawarga rasi lintang Johann Bayer sesarengan kaliyan rasi lintang Hydrus, Dorado, Volans, Pavo, Grus, Phoenix, Tucana, Indus, Chamaeleon lan Musca. Déné rasi lintang sanèsipun ingkang mapan wonten ing sak kiteripun rasi lintang Apus inggih punika rasi lintang Triangulum Australe, Circinus, Musca, Chamaeleon, Octans, Pavo lan Ara.[4]