Biltong
![](https://upload.wikimedia.org/wikipedia/commons/thumb/f/fb/BiltongUKDried.jpg/220px-BiltongUKDried.jpg)
Biltong inggih punika tetedhan ingkang wujud daging garing mawi bumbu ingkang asalipun saking Afrika Kidul. Tetedhan punika saged dipundamel saking manéka jinis daging kados ta: daging sapi, daging asil saking buruan utawi manuk unta saking peternakan. Biltong punika dipundamel saking filet daging mentah ingkang dipuntugel satunggal arah kaliyan serabut otot utawi dipuniris kanthi nugel serabut otot.
Tetedhan punika mèmper kaliyan dhèndhèng amargi sami-sami wujud daging garing mawi bumbu, nanging bummbu, rasa lan prosès anggènipun damel punika bènten. Nama dhaharan punika asalipun saking Basa Walanda, inggih punika bil (Basa Indonésia: tanjung) lan tong (tugelan utawi ilat)[1] amargi katingal kados lidah beluk.[2] padatanipun Biltong dipunsadé kanthi wujud kepingan dawa utawi dipuntugel dados kepingan alit saéngga gampil manawi dipundhahar. Raosipun radi asin, legi lan radi alot.
Bumbu
[besut | besut sumber]![](https://upload.wikimedia.org/wikipedia/commons/thumb/7/72/Biltong_for_sale.jpg/220px-Biltong_for_sale.jpg)
Bumbu tradhisional Biltong punika kados ingkang wonten ing ngandhap punika:
Kajawi bumbu-bumbu mau wonten malih bumbu sanèsipun, inggih punika:
- Cuka balsamico utawi cuka malt
- Lombok garing giling
- Bawang
- Soda kué
- Kecap Inggris
- Bubuk bawang
Daging
[besut | besut sumber]Biltong langkung asring dipundamel mawi aging sapi. Kanggé tugelan ingkang saé piyambak, has jero langkung kathah dipun-ginakaken. Sanajan pérangan sapi sanèsipun saged dipundamel, nanging asilipun boten patos saé.
Biltong ugi saged dipundamel saking daging kéwan kados ta:
- Rusa utawi daging antelop kudu
- Manuk unta (warna daging abrit terang, mirib sanget kaliyan daging rusa)[3]
- Iwak, asilipun dipunsebat bokkom.
- Pitik, asilipun dipunsebat chicken biltong.
Biltong lan dhèndhèng
[besut | besut sumber]![](https://upload.wikimedia.org/wikipedia/commons/thumb/d/d9/BiltongUKOven.jpg/220px-BiltongUKOven.jpg)
Antawisipun Biltong lan dhèndhèng punika wonten kalih bédanipun, inggih punika:
- Daging ingkang dipun-ginakaken langkung kandel; padatanipun daging biltong dipuntugel kanthi kandel 1 inci - nanging saged ugi langkung kandel. Déné dhèndhèng punika langkung tipis tinimbang biltong.
- Bumbu ingkang dipun-ginakaken kanggé damel biltong punika cuka lan sarem. Ugi prosès damel garing, maringi sarem wonten ing biltong saéngga tèkstur lan rasa saking biltong punika langkung alus. Dhendheng dipundamel garing mawi sarem lan mrica.
Pangginaan
[besut | besut sumber]Biltong punika dipundhahar minangka cemilan. Ugi saged dipuntugel kados dadu supados dipunmasak kanggé sop lan ugi kanggé jangkepan kanggé biskuit lan roti. Sapérangan restoran mewah ngginakaken biltong minangka topping pizza. Ugi wonten keripik kenthang mawi rasa biltong. Biltong saged dipun-ginakaken kanggé mamahan bayi. Sapeangan toko nyade biltong ingkang boten dipunparingi bumbu supados dimamah déning bayi kanggé ngrangsang waja.
Cathetan suku
[besut | besut sumber]- ↑ Eric Partridge (20 Sèptèmber 2006). Origins: An Etymological Dictionary of Modern English. Routledge.
- ↑ Llewellyn, E.C. (1977). The Influence of Low Dutch on the English Vocabulary. London: Oxford University Press. kc. 172.
{{cite book}}
: Check date values in:|year=
/|date=
mismatch (pitulung) - ↑ "Biltong profits cut and dried". Business Report. 13 Mèi 2003. Dibukak ing 23 Sèptèmber 2008.