Ekidna

Ekidna; Kalamangsa: Miocene–Recent PraЄ Є O S D C P T J K Pg N
	Western Long-beaked Echidna
Klasifikasi ngèlmiah
Karajan:	Animalia
Filum:	Chordata
Klas:	Mammalia
Ordho:	Monotremata
Famili:	Tachyglossidae; Gill, 1872
Spesies
	Genus Tachyglossus ; T. aculeatus; Genus Zaglossus ; Z. attenboroughi; Z. bruijnii; Z. bartoni; †Z. hacketti; †Z. robustus; Genus †Megalibgwilia; †M. ramsayi; †M. robusta

Ekidna (Echidna) ya iku siji-sijiné kéwan saka ordho Monotremata kang isih bisa urip nganti saiki saliyané platipus. Ekidna kalebu famili Tachyglossidae lan minangka kéwan asli saka Papua lan Australia.

Ekidna ya iku mamalia cilik kang awaké ditutupi rambut kasar lan eri.^[2] Ekidna mèmper kaya kéwan kang memangsan semut ing Amérika Kidul, duwé moncong kang fungsiné dadi lambé lan irung.^[2] Moncongé dawa lan krèmpèng, déné sikilé cendhèk lan kuat kanthi kuku gedhé.^[2]

Taksonomi

Ekidna diklompokaké dadi rong génus, ya iku génus Zaglossus lan génus Tachyglossus. Genus Zaglossus ana telung spésies kang isih urip lan ana rong spesiès kang wis cures (dimangertèni mung lumantara fosil). Déné génus Tachyglossus mung ana spesiès siji kang dikenal.

Genus Zaglossus

Ana telung spésies saka génus Zaglossus kang isih urip. Spesies telu iku ditemoni ing Papua. Genus iki langka lan diburu kanggo dipangan. Ekidna saka génus iki nggolèk pangan ing sampah gegodhongan ing alas, ya iku cacing lemah lan gegremet.

Ekidna moncong dawa kulon (Zaglossus bruijini) ing alas dhataran dhuwur.
Ekidna moncong dawa Sir David (Zaglossus attenborough).
Ekidna moncong dawa wétan (Zaglossus bartoni); wis ditliti 4 subspesies.

Spesies kang wis cures ya iku:

Zaglossus robustus; dikenal mung saka fosilé.
Zaglossus hacketti; uga dikenal mung saka fosilé.

Genus Tachyglossus

Ekidna moncong cendhak (Tachyglossus aculeatus) tinemu ing pérangan tenggara Papua lan uga ana ing kabèh lingkungan Australia, saka salju Alpen Australia nganti ara-ara jero ing laladan njero mligi ing laladan endi waé kang ana semut lan rayap. Ukurané luwih cilik tinimbang spésies Zaglossus lan nduwé rambut kang luwih dawa.

Deskripsi

Ekidna ya iku mamalia cilik kang awaké ditutupi rambut kasar lan eri.^[3] Eri kang ana ing awak Ekidna cacahé nganti 5000 lan ana 2000 sensor medan listrik ing awaké, iki kang ndadèkaké Ekidna nduwé pertahanan kang kuwat lan angèl ditembus.^[3] Ekidna nduwé moncong kang fungsiné minangka lambé lan irung. Moncongé dawa lan ramping. Lambéné cilik lan rahangé ora ana untuné, sikilé cendhak lan kuwat lan kuku kang gedhé. Ekidna uga kawentar minangka kéwang kang pinter ndhudhuk. Ekidna mangan kanthi cara mbuka gagang kayu kang empuk, omah semut, lan sajenisé. Kanthi nggunakaké ilat kang dawa lan lèngkèt kang ndawa saka moncongé, Ekidna ngumpulaké mangsané. Ekidnamoncong cendhak padatan mangan semut lan rayap kang akèh, déné spésies Zaglossus padatan mangan cacing lemah lan gegremet]].

Ekidna tinemu ing akèh lingkungan, kalebu ing kutha

Kejaba platipus, patang spésies Ekidna ya iku siji-sijiné mamalia kang ngendhog. Betina ngendhog siji kang duwé wulu lan thothok empuk 22 dina sawisé kawin lan nyèlèhaké langsung ing kanthongé. Endhog bakal netes sawisé 20 dina. Ekidna enom banjur ngisep susu saka pori-pori klanjer susu loro (sabab monotremata ora duwé puting susu lan tetep manggon ing njero kanthong baboné kanggo 40 dina nganti 50 dina. Sasuwéné iku, ing aak Ekidna wiwit thukul eriné. Baboné ndhudhuk luwangan kanggo ngrumati anaké lan nyèlèhaké anaké ig njero luwangan mau. Baboné bali saben 5 dina kanggo nyusoni nganti mandheg nyusoni ing sasi kang kaping pitu.

Pranala njaba

"The Enigma of the Echidna" Archived 2012-04-29 at the Wayback Machine. by Doug Stewart, National Wildlife, April/May 2003.
Scribbly Gum - Australian Broadcasting Corporation online magazine, article "Echidna Love Trains": Echidna spotting, Trains (breeding behaviour), The amazing puggle (young), Species, Dreaming (REM sleep), Managing populations; June 2000

Cathetan suku

↑ Groves, C. (2005). Wilson, D. E., and Reeder, D. M. (èd.). Mammal Species of the World (édhisi ka-3). Johns Hopkins University Press. kc. 1–2. ISBN 0-801-88221-4.{{cite book}}: CS1 maint: multiple names: editors list (link)
↑ ^a ^b ^c Monotremata(diundhuh 9 Oktober 2012)
↑ ^a ^b 5 Kéwan sing duwé garwa tajam Archived 2023-09-29 at the Wayback Machine.(diundhuh 21 Fèbruari 2013)

Flannery, T.F. and Groves, C.P. (1998) A revision of the génus Zaglossus (Monotremata, Tachyglossidae), with description of new species and subspecies. Mammalia 62, 367-396.
Parker, J., "Echidna Love Trains", "Scribbly Gum" online magazine.
Rismiller, P., "Echidnas and Goannas of Kangaroo Island Archived 2008-01-05 at the Wayback Machine.", Earthwatch Institute.

[MSW3-1] Groves, C. (2005). Wilson, D. E., and Reeder, D. M. (èd.). Mammal Species of the World (édhisi ka-3). Johns Hopkins University Press. kc. 1–2. ISBN 0-801-88221-4.{{cite book}}: CS1 maint: multiple names: editors list (link)

[internet1-2] Monotremata(diundhuh 9 Oktober 2012)

[internet3-3] 5 Kéwan sing duwé garwa tajam Archived 2023-09-29 at the Wayback Machine.(diundhuh 21 Fèbruari 2013)

[1]

[2]

[3]