Geni abadi Mrapèn

Geni abadi Mrapèn iku komplèks sing dumunung ing désa Manggarmas, kacamatan Godhong, Kabupatèn Grobogan, Jawa Tengah. Kawasan iki dumunung ing pinggir dalan gedhé Purwadadi-Semarang, let-é watara 26 km saka kutha Purwadadi. Komplèks geni abadi Mrapèn minangka fénomena géologi alam wujud metuné geni saka jero lemah.

Akèh prastawa gedhé sing jupuk geniné saka komplèks geni abadi Mrapèn minangka sumber oboré, upamané pista ulah raga internasional Ganefo I tanggal 1 November 1963. Api abadi saka Mrapèn uga dipigunakaké kanggo nyumet obor Pekan Ulah raga Nasional (PON) wiwit PON X taun 1981, POR PWI taun 1983 lan HAORNAS. Geni abadi saka Mrapèn uga dipigunakaké kanggo obor upacara ing dina riyaya Waisak^[1].

Saliyané geni abadi, ing komplèk mau uga ana sendhang sing banyuné katon kaya mulak-malik, sing miturut kabar bisa kanggo nambani lelara kulit (Sendhang Dudha), sarta siji watu bobot.

Rujukan

↑ "Walubi:Api abadi Mrapen". Diarsip saka sing asli ing 2010-06-27. Dibukak ing 2010-07-21.

Pranala njaba

Api abadi Mrapen

[1] "Walubi:Api abadi Mrapen". Diarsip saka sing asli ing 2010-06-27. Dibukak ing 2010-07-21.

[1]