Harrison Ford
| Harrison Ford | |
|---|---|
 Harrison Ford nalika ing San Diego Comic-Con International 2015 | |
| Lair | Juli 13, 1942 Chicago, Illinois, AS |
| Pakaryan | Artis, Prodhuser |
| Dhuwur | 185 cm (6 ft 1 in) |
| Bojo | Mary Marquardt (o. 1964; peg. 1979) Melissa Mathison (o. 1983; peg. 2004) Calista Flockhart (o. 2010) |
| Anak | 5 |
| Dulur | Terence Ford |
Harrison Ford (lair 13 Juli 1942) iku aktor lan prodhuser filem Amérika. Dhèwèké dadi kondhang amarga mbintangi trilogi opera antariksa épik Star Wars sing asli minangka Han Sala lan dadi karakter baku ing filem sèri Indiana Jones. Ford uga misuwur amarga dadi Rick Deckard ing filem fiksi ngèlmiah distopia néo-noir Blade Runner (1982), dadi John Book ing filem triler Witness (1985), sing lumantar iku dhèwèké dinominasi dadi Academy Award for Best Actor, lan dadi Jack Ryan ing filem laga Patriot Games (1992) lan Clear and Present Danger (1994). Durung suwé iki, Ford bali mbintangi Star Wars: The Force Awakens (2015) dadi Han Sala lan nedya bali mbintangi Blade Runner 2049 (2017) dadi Deckard.
Kariré wis nyandhak enem dasawarsa suwéné kalebu mbintangi sawenèh filem gedhé Hollywood, kaya ta filem perang épik Apocalypse Now (1979), drama ukum Presumed Innocent (1990), filem laga The Fugitive (1993), triler laga pulitis Air Force One (1997) lan triler psikologis What Lies Beneath (2000). Filem-filemé cacah enem wis lumebu National Film Registry: American Graffiti (1973), The Conversation (1974), Star Wars (1977), The Empire Strikes Back (1980), Raiders of the Lost Ark (1981) lan Blade Runner.
Rikala 1997, Ford rangking siji ing pratélan "The Top 100 Movie Stars of All Time" (cara Jawa: 100 Bintang Filem Top Sadawaning Jaman) babarané Empire.[butuh sitiran] Nalika 2016, bruto filemé Ford sing laris sajeroning AS dhéwé gunggungé punjul US$4,7 milyar;, déné yèn sadonya brutoné punjul $6 milyar;Ford dadi bintang box-office dhomèstik AS kanthi bruto paling dhuwur.[1][2] Ford omah-omah karo aktris Calista Flockhart, sing kondhang dadi paraga baku ing sèri drama-kumedhi Ally McBeal.
Rujukan
[besut | besut sumber]- ↑ Robinson, Will (January 8, 2016). "Harrison Ford is now the highest-grossing actor in U.S. box office history". Entertainment Weekly. Dibukak ing January 10, 2016.
- ↑ "Box Office Mojo - People Index". www.boxofficemojo.com. Dibukak ing 2016-11-16.
Pranala njaba
[besut | besut sumber]Wawancara
- "Harrison Ford Interview". CinemasOnline. 2002. Diarsip saka sing asli ing December 11, 2003. Dibukak ing March 19, 2006.
- Dawson, Angela (June 12, 2003). "Harrison Ford: Hollywood loved him even before they knew him". The Cincinnati Post (Entertainment News Wire). E. W. Scripps Company. Diarsip saka asliné ing February 27, 2005. Dibukak ing March 19, 2006.
- Honeycutt, Kirk (1986). "Harrison Ford on Harrison Ford". Daily News. Dibukak ing March 19, 2006.
- Leopold, Todd (February 9, 2006). "Harrison Ford and the movie machine". Cable News Network. Dibukak ing March 19, 2006.
- Rader, Dotson (July 7, 2002). "I found purpose". Parade. Diarsip saka asliné ing August 12, 2002. Dibukak ing March 19, 2006.
- Turan, Kenneth (1986). "Harrison Ford wants to be alone". GQ. Diarsip saka asliné ing February 15, 2001. Dibukak ing March 19, 2006.