Mawar
Mawar | |
---|---|
![]() | |
Rosa alba 'Maiden's Blush | |
Klasifikasi ngèlmiah | |
Karajan: | Plantae |
Dhivisi: | Magnoliophyta |
Klas: | Magnoliopsida |
Ordho: | Rosales |
Famili: | Rosaceae |
Subfamili: | Rosoideae |
Génus: | Rosa L. |
Spesies | |
antara 100-150 |
Kembang Mawar iku kalebu kaluwarganing Rosa.[1] Cacah jinisé ana atusan. Wiwit kang thukul umbaran (alasan) nganti kang dibudidayakaké.[1] Mawar ana kang biyasa, ana uga kang thukulé mrambat.[1]
Cara membudidayaké utawa nandur kembang mawar bisa plantaran wiji, seték, okulasi, cangkokan, lan nyigar anakan.[1] Nanging cara kang luwih cêpêt sarana setékseték.[1]
Warnané uga ana rupa-rupa, kang asli racaké awarna abang, kuning, kuning tela, uga ana kang jambonjambon. Nanging, saiki ana kamajuan tèknologi kang bisa malih rupakaké warna, mawar uga ana kang wêrnané biru, wungu, malah ana kang ireng.[1]
Kembang mawar iki wis misuwur ing donya wiwit jaman kalabendu. Lengané didadèkaké lenga wangi, kang wis misuwur ganda arum lan larang regané. Uga ana manèh kang digawé bahaning setrup, jenengé Rosa canina, amarga akèh vitamin C-né.[1]
Mawar akèh-akèhé nduwé eri, nanging ana kang ora ana eriné.[2] Eri mawar gunané kanggo njaga mawar supaya ora dirusak kéwan lan gegremet.[3] Awit ana uga kéwan kang sênêng mangan kêmbang.[3] Kéwan iku kalebu kéwan hérbivorahérbivora.[3] Eri kalêbu salah sawijiné organ tuwuhan, ya iku organ aksesoris utawa rerenggan.[3] Eri ana kang kalebu aksésoris sajati lan ana kang mung modifikasi.[3] Eri minangka aksésori padatan kang ana ing pang, wit, godhong, lan woh tuwuhan.[3] Tuladhané ya iku ing wit mawar.[3]
Mawar bathik
[besut | besut sumber]Mawar lumrahé nduwé warna polos, yèn ana campuran warna, lumrahé mung ing pinggiré. Tuladhané mawar putih kang pinggiré jambonjambon, ana uga mawar kuning kang pinggiré rupané abang.[2] Nanging ana jinis mawar kang trotol-trotol wernané. Mawar iki diarani mawar bathik.[2] Mawar bathik iki ora nduwé eri ing gagangé.[2]
Mawar bathik bisa urip ing dhataran ngisor, nanging yèn kepéngin kembang luwih gedhé lan wernané luwih cêrah kudu ditandur ing dhataran dhuwur.[2] Winih mawar bathik asalé saka sambung pucuk utawa grafting.[2] Carané gagangé mawar bathik disambung karo mawar biyasa ing pucukké. Sawisé 2-3 wulan, sambungan iki wis siyap ditandur.[2] Tuwuhan iki disiram kaping pindho sedinané.[2] Pupuk kang minangka nyuburké tuwuhan ya iku rabuk N-P-KN-P-K, nanging cukup sewulan sapisan.[2] Rabuk kandhang utawa rabuk diênggo ngrabyuki nalika sepisanan nandur mawar bathik iki. Yèn dirumat kanthi temen, mawar iki bakal rikat ngembang.[2]
Kena ing guna
[besut | besut sumber]Kêmbang mawar lumrahé dadi simbol ''cinta'' lan katresnan. Nanging sajatiné kembang mawar uga kalebu kembang kang duwé akèh khasiat.[4] Kembang mawar uga bisa kanggo obat, kosmetik, lan terapi.[4] Ing jaman Yunani Kuno utawa krajan Roma, sari mawar bisa kanggo kosmetik lan ngalusake kulit, gawé tenang, lan obat dhéprési, iritasi kulit.[4] Ing jaman India, sari mawar kanggo nglancaraké pencernaan lan kanggo kaséhatan ''metabolismé'' awak.[4] Jaman saiki mawar kêna kanggo kosmétik lan ngalusaké kulit, têrapi kêcantikan kaya serum lan kosmétik.[4] Banyu mawar utawa ékstrak sari mawar kang diprosés kanthi ''déstilasi'' bisa dadi krim pelembab lan sabun.[4] Sari mawar kang luwih kênthêl bisa kanggo sêrum utawa ékstrak rose oil lan lenga wangi utawa ''parfum''.[4]
Sari mawar bisa kagunakaké ing kabéh jinis kulit lan ora ndadékaké ''iritasi''.[4] Minyak mawar uga bisa kanggo ngundhakaké élastisitas kulit wajah lan ndadékaké luwih lêmbab.[4] Garis kêrutan ing rai uga kêna dicêgah nganggo mawar, saéngga kulit katon luwih sêgêr.[4] Jinis kulit kang akèh jêrawaté lan sensitif uga kêna nggunakaké sari mawar, awit sari mawar bisa kanggo bahan ''antiséptik'' kang maténi ''baktéri''.[4] Mawar saka spésies ''Rosa Canina'' ngandhut vitamin C kang luwih akèh.[4] Vitamin C kang ana ing mawar iki padha karo ping papaté woh blackcurrant lan ping woluné woh jêruk.[4] ''Kêlopak'' kêmbang mawar uga ngandhut vitamin A lan E, lêmak oméga 3 kang bisa nglêmbabaké kulit supaya kulit katon sêgêr.[4]
Spesies
[besut | besut sumber]![](https://upload.wikimedia.org/wikipedia/commons/thumb/1/18/Wild_rose_flower.jpg/220px-Wild_rose_flower.jpg)
![](https://upload.wikimedia.org/wikipedia/commons/thumb/e/eb/Wild_Rosa_gallica_Romania.jpg/220px-Wild_Rosa_gallica_Romania.jpg)
![](https://upload.wikimedia.org/wikipedia/commons/thumb/d/da/Rosa_rugosa1.jpg/220px-Rosa_rugosa1.jpg)
![](https://upload.wikimedia.org/wikipedia/commons/thumb/1/10/Rosa-multiflora01.jpg/220px-Rosa-multiflora01.jpg)
Miturut asalé mawar kagolong dadi pira-pira spesiés, mawar saka Éropah, mawar saka Amérika, mawar saka Timur Tengah, mawar saka Cina, lan mawar saka Jepang.[5]
- Spesies saka Éropah
- Rosa alba
- Rosa canina
- Rosa gallica
- Rosa chnamomea
- Rosa cettifolia
- Rosa spinosissma
- Rosa wichuraiana
- Spesies saka Timur Tengah
- Rosa fetida
- Rosa fetida bicolor
- Rosa fetida perciana
- Rosa feicikoana
- Rosa damascena
- Spesies saka Jepang
- Rosa roxburghii
- Rosa roxburghii 'hirthua'
- Rosa aciculaisis nipponensis
- Rosa mulitiflora
- Rosa wichuraina
- Rosa rugosa
- Rosa uchiyamana
- Rosa jasminoidesu
- Rosa fujisanesis
- Spesies saka Amérikah Sarékat
- Rosa cinemoemea
- Rosa nitida
- Rosa california
Pêmulia misuwur
[besut | besut sumber]![](https://upload.wikimedia.org/wikipedia/commons/thumb/2/24/06.2010a_white_Rosa_wp1.jpg/220px-06.2010a_white_Rosa_wp1.jpg)
- Joséphine de Beauharnais
- Jules Gravereaux
- Jean-Baptiste Guillot
- Jean Pernet, père
- Joseph Pernet-Ducher
- kulawarga Meilland
- Conard-Pyle Co. (Star Roses)
- David Austin ("mawar Inggris")
Gambar kembang
[besut | besut sumber]Gladri
[besut | besut sumber]-
Rosa majalis saka buku Otto Wilhelm Thomé, Flora von Deutschland, Österreich und der Schweiz 1885
-
Dog Rose (Rosa canina) saka buku karyané Otto Wilhelm Thomé
-
Rosa pimpinellifolia saka buku karyané Otto Wilhelm Thomé
Cathetan sikil
[besut | besut sumber]- ↑ a b c d e f g Budidaya mawar (diaksés tanggal 1 Marêt 2011)
- ↑ a b c d e f g h i j Profil Tanaman Rubrik Archived 2011-02-19 at the Wayback Machine.(dipunundhuh tanggal 13 April 2011)
- ↑ a b c d e f g Gramédia Majalah[pranala mati permanèn](dipunundhuh tanggal 14 April 2011)
- ↑ a b c d e f g h i j k l m n Rumah Cantik Citra[pranala mati permanèn](dipunundhuh tanggal 14 April 2011)
- ↑ bunga mawar[pranala mati permanèn] (diakses tanggal 1 Maret 2011)
Pranala njaba
[besut | besut sumber]![]() |
Wikimedia Commons duwé médhia ngenani Mawar. |
- Warung Informasi lan Tèknologi Bantul Archived 2007-09-28 at the Wayback Machine. Budidaya Tetanèn Mawar
- HelpMeFind Roses Jênis-jênis mawar lan fotoné
- Dr. Griffith Buck Roses Archived 2006-04-30 at the Wayback Machine. Mawar asil persilangan Dr. Griffith Buck