Risotto
Risotto /rᵻˈzɒtoʊ, rᵻˈzoʊtoʊ/ (Italian: [riˈzɔtto] or [riˈsɔtto]) ya iku sawiji masakan saka italia sisih lor sing bahan dasaré beras sing dimasak ing kaldhu nganti konsisténsiné kaya krim. Kaldhuné iku mau bisa pikantuk saka daging sapi, iwak, utawa sayur. Akèh jinising risotto sing ngamot butter, anggur, lan bawang bombay. Mangkono iku mau ya iku cara sing paling umum kanggo masak beras ing Itali.
Risotto ing Itali normalé diarani primo (masakan kapisan), disediakaké tanpa masakan sampingan sadurungé hidangan utama, nanging risotto alla milanese, (muniné [riˈzɔtto alla milaˈneːze]), iku asringé karo masakan liyané jenengé ossobuco alla milanese.[citation needed]
Jinis-jinisé beras
[besut | besut sumber]Beras putih sing amotan amilopektiné dhuwur (manawa dimasak patiné kaya pati kanji), amotan amilosané cendhèk, bunder, wujudé cendhak utawa sedeng buliré ya iku sing lumrahé dipilih kanggo masak risotto. Beras-beras iku mau duwèni kabisan ngingsep banyu lan to release patiné lan dadiné mengko luwih kekel tinimbang jinisé beras sing wujudé luwih dawa buliré. Jinis utama sing dipilih ing Itali ya iku beras Arborio, beras Baldo, beras Carnaroli, Maratelli, beras Padano, beras Roma, lan beras Vialone Nano.[1] Beras-beras Carnaroli, Maratelli (beras saka itali sing historis) lan beras Vialone Nano dianggep dadi jinisé beras sing paling apik (lan paling larang), nanging tetep gumantung marang sing masak (luwih milih seneng nganggo sing endi). Beras-beras iku mau duwèni ciriné dhéwé-dhéwé. Contoné, Carnaroli ora gampang kematengen tinimbang Vialone Nano, nangin Vialone Nano, sing luwih cilik, mateng luwih rikat lan ngingsep bumbu-bumbu luwih rikat. Jinis-jinis sing kaya Roma, Baldo, Ribe lan Originario bisa dienggo nanging ora bakal duwé konsisténsi kaya krimé masakan tradhisional iku mau. Jinis-jinis sing mau mau dianggep luwih apik kanggo sop lan masakan saka beras liyané lan kanggo gawé masakan saka beras. Pajenengané beras Superfino, beras Semifino lan beras Fino ngrujuk marang ukurané lan wujudé (mligi dawa lan mrucité) bulir-buliré, lan dudu kwalitèté.
Jinis-jinisé Risotto ing Itali
[besut | besut sumber]Many variations have their own names:
| Jeneng | Foto | Candra |
|---|---|---|
| Risotto alla milanese | 
|
Masakan mirungganing kutha Milan, digawé nganggo kaldhu sapi, balung sungsum sapi, lard (gantiné butter) lan kèju, dibumboni lan diwènèhi warna nganggo saffron |
| Risotto al Barolo | Masakan mirungganing kutha Piedmont, digawé nganggo anggur abang lan nyakup daging sosis lan/utawa Kacang Borlotti | |
| Risotto al nero di seppia | 
|
Masakan mirungganing tlatah Veneto, digawé nganggo Sotong sing dimasak karo kantong tintané wutuh njalari risottoné dadi ireng thungtheng |
| Risi e Bisi | 
|
Masakan mirunggan ing mangsa semi ing Veneto sing disedhiakaké karo sendok, dudu porok; masakan iki kaya sop sing pulen manawa dideleng kaya risotto. Iki digawé nganggo kacang ijo, kaldhu saka kulité sing isih seger, dibumboni nganggo pancetta.[2] |
| Risotto alla zucca | 
|
Digawé nganggo labu, pala, lan kèju parut |
| Risotto alla pilota | Masakan mirunggan ing Mantua, digawé nganggo sosis, daging babi, lan kèju Parmesan | |
| Risotto ai funghi | 
|
Masakan mirunggan digawé nganggo jamur porcini utawa jamur liyané (boletus luteus, pholiota mutabilis lan agaricus bisporus) |
Rujukan
[besut | besut sumber]Wacanan lanjutan
[besut | besut sumber]- Barrett, Judith, and Wasserman, Norma (1987). Risotto. New York: Scribner. ISBN 0-02-030395-5.
- Hazan, Marcella (1992). Essentials of Classic Italian Cooking. New York: Alfred A. Knopf. ISBN 0-394-58404-X.