(Translated by https://www.hiragana.jp/)
Yugoslavia - Wikipédia Menyang kontèn

Yugoslavia

Besut pranala
Saka Wikipédia Jawa, bauwarna mardika basa Jawa
Bendera Yugoslavia warsa 1946-1992

Yugoslavia inggih menika negari wonten ing Eropa Tenggara/Tengah, dipunbentuk wiwit taun 1918 ngantos dumugi taun 1992. Yugoslavia dipunbentuk sawisé Perang Donya I minangka Kerajaan Serbia, Kroasia, lan Slovenia.[1][2] Panyatuan punika nyebabaken panyatuan negari-negari bekas wilayah Ostenrik-Honggari. Punika minangka saperangan pisanan saking panyatuan bangsa Slavia Kidul minangka negari suwer ingkang saged mandiri saking panguwasan Kekaisaran Ottoman lan Ostenrik-Honggari. Peter I saking Serbia dados panguwasa pisanan ing negari punika. Negari Yugoslavia nampi pangakuan internasional ing tanggal 13 Juli 1922 wonten ing Konferensi Para Duta Besar ing Paris.[3] Wonten ing tanggal 3 Oktober 1929, asma resmi negari punika dipunowahi dados Karajan Yugoslavia.

Nalika 6 April 1941, Yugoslavia kawiwitan dipun-gempur déning kekuwatan Axis. Minangka reaksi tumrap panyerangan menika, ing taun 1943, Yugoslavia Demokratis Federal diumumaken déning perlawanan Partisan. Ing taun 1944, Raja Peter II ingkang wonten ing pengasingan ngakoni Partisan minangka pamrentahan ingkang sah. Wonten ing wulan November 1945, monarki ing Yugoslavia dipunhapus lan digantosaken kaliyan sistem pamrentahan komunis, lan nagari menika dipunowahi asmanipun dados Republik Rakyat Federal Yugoslavia. Yugoslavia ugi berhasil nyekel wilayah Istria, Rijeka, lan Zadar saking Italia. Joseph Broz Tito, pimpinan Partisan, dados Perdana Mentri lan Presiden saking taun 1944 ngantos tilar donyanipun ing taun 1980. Pamaréntahanipun Tito nggantosaken sistem politik lan ékonomi Yugoslavia, lan ngayahi perubahan ing wewengkon lan struktur sosial. Pamungkas, ing taun 1963, Yugoslavia dipunowahi asmanipun maneh dados Republik Federal Sosialis Yugoslavia (SFRY).

Negari Yugoslavia nalika Perang Adhem

Republik Federal Sosialis Yugoslavia (SFRY) kaanggep minangka wadhah saking enem republik konstituen, ingkang kalebet Bosnia lan Herzegovina, Kroasia, Makedonia, Montenegro, Serbia, lan Slovenia. Ing nagari Serbia wonten kalih provinsi otonom, yaiku Kosovo lan Vojvodina. Sawisé taun 1974, provinsi-provinsi otonom punika dipunanggep setara karo republik-republik sanèsipun ing Yugoslavia.[4][5] Warsa 1980-an, Yugoslavia ngalami krisis ékonomi lan politik, ugi wonten paningkatan nasionalisme lan konflik etnis. Perkawis punika dados awal saking pecahipun Yugoslavia miturut wates-wates republik, ingkang lajeng ngundang Perang Yugoslavia. Perang punika nyebabaken kapitunan lan panyengkalaan nagari-nagari anyar. Saking taun 1993 ngantos 2017, Mahkamah Pidana Internasional kanggé Yugoslavia (ICTY) ngadili para pamimpin kanggé tindak pidana perang, genosida, lan kejahatan sanèsipun ing sajeroning perang. Proses hukum punika minangka bagéan saking upaya kanggé nyedhiyakaken keadilan lan rekonsiliasi sawisé konflik ingkang tragis lan bersejarah punika.

Sasampunipun Yugoslavia pecah, Montenegro lan Serbia nggadhahi gagasan kanggé nggawé nagari federatif ingkang luwih cilik, yaiku Republik Federal Yugoslavia (FRY), ingkang dipunsebat Serbia lan Montenegro ing antawis taun 2003 ngantos 2006. FRY gadhah kekarepan dados ahli waris tunggal legal saking SFRY, nanging punika dipunlawan déning republik-republik sanèsipun ingkang sampun misah. Sasampunipun, FRY ngakoni status pewaris sasarengan miturut Keputusan Komite Arbitrase Badinter.[6] Ing taun 2003, asmanipun nagari punika dipunowahi dados Serbia lan Montenegro. Nagari punika dipunsirnani nalika Montenegro lan Serbia dados nagari-nagari ingkang mandiri warsa 2006. Kosovo ngalami kontroversi ing babagan deklarasi kamardikanipun ing taun 2008, ingkang dados babagan konflik lan diskusi internasional ngantos sapriki.

Deleng ugi

[besut | besut sumber]

Sitiran

[besut | besut sumber]
  1. ↑ Spencer Tucker. Encyclopedia of World War I: A Political, Social, and Military History. Santa Barbara, California, US: ABC-CLIO, 2005. Pp. 1189.
  2. ↑ "orderofdanilo.org". Diarsip saka sing asli ing 16 May 2009.
  3. ↑ "orderofdanilo.org". Diarsip saka sing asli ing 16 May 2009.
  4. ↑ Huntington, Samuel P. (1996). The clash of civilizations and the remaking of world order. Simon & Schuster. kc. 260. ISBN 978-0-684-84441-1.
  5. ↑ "History, bloody history". BBC News. 24 March 1999. Diarsip saka asliné ing 25 January 2009. Dibukak ing 29 December 2010.
  6. ↑ "FR Yugoslavia Investment Profile 2001" (PDF). EBRD Country Promotion Programme. kc. 3. Diarsip saka sing asli (PDF) ing 28 September 2011.
Dijupuk saka "https://jv.wikipedia.org/w/index.php?title=Yugoslavia&oldid=1668393"