იხილეთ წყარო გვერდისთვის ლურჯ-მწვანე წყალმცენარეები

{{ტაქსოდაფა
|სახელი = ლურჯ-მწვანე წყალმცენარეები
|სურათის ფაილი = CSIRO ScienceImage 4203 A bluegreen algae species Cylindrospermum sp under magnification.jpg
|სურათის წარწერა = Microscope image of ''[[Cylindrospermum]]'', a filamentous genus of cyanobacteria
|სამეფო = ბაქტერიები
|ტიპი = ლურჯ-მწვანე წყალმცენარეები
|კლასი =
|რიგი =
|ოჯახი =
|გვარი =
|სახეობა =
|ლათ = cyanophyta
|არეალის რუკა = 
}}
'''ლურჯ-მწვანე წყალმცენარეები''', ''ციანობაქტერიები'' ({{Lang-la|Cyanophyta}}) — ბაქტერიათა განყოფილება (ტიპი). ერთუჯრედიანი, კოლონიური და მრავალუჯრედიანი (ძაფნაირი), უმეტესად მიკროსკოპული ფორმებია; განეკუთვნებიან [[პროკარიოტები|პროკარიოტებს]]. მოლურჯო-მწვანე ფერი აქვთ, თუმცა გვხვდება მოყვითალო-მწვანედ, ვარდისფრად, იისფრად, ზოგჯერ შავად შეფერილი ფორმებიც. მორფოლოგიურად ჩამოყალიბებული [[ბირთვი]] და [[ქლოროპლასტი]] ციანობაქტერიებს არ აქვთ. [[პლანქტონი|პლანქტონურ]] სახეობებს აქვთ. ე. წ. გაზის ვაკუოლები - [[პროტოპლასტი|პროტოპლასტში]] გაზით ამოვსებული სივრცეები. მრავალდებიან დაყოფით (ერთუჯრედიანები), ჰორმოგონიუმებით - ძაფის ფრაგმენტებით (მრავალუჯრედიანები) და სხვადასხვა სახის სპორებით. სქესობრივი გამრავლება და მოძრავი შოლტიანი სტადიები განვითარების ციკლში არ აქვთ.

ციანობაქტერიები აერთიანებს 2000-მდე [[სახეობა]]ს, რომლებიც გავრცელებულია მტკნარ წყლებსა და ზღვებში. ცხოვრობენ ნიადაგზე და ნიადაგში, თოვლზე, ნესტიან ადგილებსა და ცხელ წყაროებში, ზოგი [[ლიქენები]]ს კომპონენტია. პლანქტონური ფორმები ინტენსიური გამრავლებისას იწვევენ „წყლის ყვავილობას“ და სასმელად უვარგისს ხდიან წყალს. იწვევენ აგრეთვე წყალსადენი ფილტრების დაცობას და [[თევზები|თევზის]] სიკვდილს; ზოგჯერ წყალსაცავში ქმნიან კუნძულებსაც კი. სხვა ბაქტერიებთან ერთად ციანობაქტერიებიც მონაწილეობენ სამკურნალო [[ტალახი]]ს შექმნაში, ახდენენ ნიადაგში ატმოსფერული [[აზოტი]]ს ფიქსაციას. ნიადაგზე მცხოვრები ციანობაქტერიები მონაწილეობენ ნიადაგთწარმოქმნის პროცესში.

თანამედროვე მეცნიერებში არ არის მიღებული ტერმინი ლურჯ-მწვანე წყალმცენარეები და იყენებენ მხოლოდ ტერმინ ციანობაქტერიას, რადგან ზოგადად [[წყალმცენარეები]] [[ეუკარიოტები]] არიან და რადიკალურად განსხვავებული სახეობაა.<ref>{{cite encyclopedia|year=1992|title=Algae|encyclopedia=The Concise Dictionary of Botany|publisher=Oxford University Press|location=Oxford|editor-last=Allaby|editor-first=M}}</ref>

== ლიტერატურა ==
* ''ნ. ა. კომარნიცი, ლ. ვ. კუდრიშოვი, ა. ა. ურანოვი'', „მცენარეთა სისტემატიკა“, გვ. 39, თბილისის უნივერსიტეტის გამომცემლობა, თბ., 1973
{{ქსე|6|315|ყანჩაველი ქ.}}

==სქოლიო==
{{სქოლიოს სია}}

[[კატეგორია:ლურჯ-მწვანე წყალმცენარეები]]