იხილეთ წყარო გვერდისთვის მოლოტოვ-რიბენტროპის პაქტი

[[ფაილი:MolotovRibbentropStalin.jpg|250პქ|მარჯვნივ|მინი|მოლოტოვი ხელს აწერს გერმანია-საბჭოთა კავშირის თავდაუსხმელობის პაქტს. მის უკან დგანან სტალინი და რიბენტროპი.]]
'''რიბენტროპ-მოლოტოვის პაქტი''' — [[1939]] წლის [[23 აგვისტო|23 აგვისტოს]] [[მოსკოვი|მოსკოვში]] [[მესამე რაიხი|მესამე რაიხსა]] და [[სსრკ]]-ს შორის დადებული თავდაუსხმელობის პაქტი, რომელსაც გერმანიის მხრიდან ხელი მოაწერა საგარეო საქმეთა მინისტრმა [[იოახიმ ფონ რიბენტროპი|იოახიმ ფონ რიბენტროპმა]], ხოლო სსრკ-ის მხრიდან საგარეო საქმეთა სახალხო კომისარმა [[ვიაჩესლავ მოლოტოვი|ვიაჩესლავ მოლოტოვმა]]. ამ პაქტში ასევე საუბარი იყო ცენტრალური ევროპის დაყოფაზე. ეს პაქტი დაირღვა 1941 წელს გერმანიის მიერ, როდესაც იგი თავს დაესხა საბჭოთა კავშირს.

ხელშეკრულების თანახმად, [[საბჭოთა სოციალისტური რესპუბლიკების კავშირი|საბჭოთა კავშირს]] და [[მესამე რაიხი|გერმანიას]] თავი უნდა აერიდებინათ ერთმანეთზე თავდასხმისაგან, მათ ასევე თავი უნდა შეეკავებინათ ერთმანეთის წინააღმდეგ საომარ მოქმედებაში ჩართვისგან იმ შემთხვევაშიც, თუ რომელიმე ეს სახელმწიფო გახდებოდა თავდასხმის ობიექტი მესამე სახელმწიფოს მიერ. პაქტის მონაწილენი ასევე უარს ამბობდნენ იმ ალიანსში გაწევრიანებაზე, რომელიც თუნდაც არაპირდაპირად ამ რომელიმე სახელმწიფოს წინააღმდეგ იყო მიმართული. 1948 წელს ხელშეკრულება ხელმისაწვდომი გახდა ფოტოსურათების სახით. 2009 წელს [[ევროპის პარლამენტი|ევროპის პარლამენტმა]] [[23 აგვისტო]], მოლოტოვ-რიბენტროპის პაქტის გაფორმების დღე, გამოაცხადა [[სტალინიზმი|სტალინიზმისა]] და [[ნაციონალ-სოციალიზმი|ნაციზმის]] მსხვერპლთა ხსოვნის [[სტალინიზმისა და ნაციზმის მსხვერპლთა ხსოვნის ევროპული დღე|დღედ]].

==გასაიდუმლოებული მუხლები==

მოლოტოვ-რიბენტროპის პაქტში არსებული გასაიდუმლოებული მუხლების თანახმად,ნაცისტურმა გერმანიამ და საბჭოთა კავშირმა შეათანხმეს ტერიტორიები, რომლებიც შედიოდნენ თითოეულის ინტერესების სფეროში. პაქტის მიხედვით, ორი სახელმწიფოს ინტერესთა სფეროთა საზღვარი გახდა [[ლიტვა|ლიტვის]] ჩრდილოეთ საზღვარი. ამავდროულად, ლიტვა იღებდა [[ვილნიუსი|ვილნიუსს]], რომელიც მაშინ [[პოლონეთი|პოლონეთის]] შემადგენლობაში იყო. ასევე ხელშეკრულების მიხედვით საბჭოთა კავშირის გავლენის ქვეშ ექცეოდა [[ბესარაბია]].

== რესურსები ინტერნეტში ==
* [http://www.fordham.edu/halsall/mod/1939pact.html პაქტის ტექსტი] {{Webarchive|url=https://web.archive.org/web/20141114231303/http://www.fordham.edu/halsall/mod/1939pact.html |date=2014-11-14 }}. {{en}}

[[კატეგორია:მეორე მსოფლიო ომი]]
[[კატეგორია:პოლონეთი II მსოფლიო ომში]]
[[კატეგორია:1939 წელი საერთაშორისო ურთიერთობებში]]
[[კატეგორია:საბჭოთა ოკუპაციები]]
[[კატეგორია:საბჭოთა კავშირის სამხედრო ისტორია II მსოფლიო ომის დროს]]
[[კატეგორია:1939 წელი საბჭოთა კავშირში]]