ოლექსანდრ უსიკი
ოლექსანდრ უსიკი | |
|---|---|
_(cropped).jpg) უსიკი 2022 წელს | |
| საერთო ინფორმაცია | |
| სრული სახელი | ოლექსანდრ ოლექსანდროვიჩ უსიკი |
| მეტსახელ(ებ)ი | კატა |
| მოქალაქეობა | უკრაინა |
| ეროვნება | უკრაინელი |
| დაიბადა | 1987 17 იანვარი |
| წონის კატეგორია |
კრეისერ წონა მძიმე წონა |
| სიმაღლე | 191 სმ |
| პროფესიონალური კარიერა | |
| ბრძოლა | 22 |
| მოგება | 22 |
| მოგება ნოკაუტით | 14 |
| წაგება | 0 |
| ფრე | 0 |
ოლექსანდრ უსიკი (უკრაინული Олександр Олександрович Усик, გამოთქმა [olekˈsɑndr ˈusɪk]; დაიბადა 1987 წლის 17 იანვარს) — უკრაინელი პროფესიონალი მოკრივე. ის არის აბსოლიტური ჩემპიონი ორ წონით კატეგორიაში, კრეისერ და მძიმე წონაში. 2024 წლის 18 მაისს ტაისონ ფიური დაამარცხა რინგზე, რითაც ის გახდა მძიმე წონით კატეგორიაში აბსოლიტური ჩემპიონი. 2021 წლიდან მას ასევე აქვს კრივის საერთაშორისო ორგანიზაციის (IBO)-ს ტიტული, ხოლო 2022 წლიდან ჟურნალ Ring-ის ტიტული.
1999 წლის შემდეგ, უსიკი არის პირველი აბსოლიტური ჩემპიონი მძიმე წონით კატეგორიაში, ასევე ის არის პირველი მძიმეწონოსანი, რომელსაც აქვს მსოფლიოს ოთხივე ძირითადი ტიტული მოგებული: World Boxing Association (WBA) (სუპერ ვერსია), World Boxing Council (WBC), კრივის საერთაშორისო ფედერაცია (IBF) და კრივის მსოფლიო ორგანიზაცია (WBO) - "ოთხი ქამრის ეპოქაში".[1] 2018-2019 წლებში, უსიკი ატარებდა აბსოლიტური ჩემპიონის ტიტულს კრეისერულ წონაში, შესაბამისად ის არის პირველი მოკრივე, რომელიც გახდა აბსოლიტური ჩემპიონი კრეისერულ წონაში და მძიმე წონაში ევანდერ ჰოლიფილდის შემდეგ. უსიკი არის მესამე მოკრივე რომელიც ორ წონით კატეგორიაში გახდა აბსოლიტური ჩემპიონი.
2012 წლის ზაფხულის ოლიმპიურ თამაშებზე მან ოქროს მედალი მოიპოვა, მოყვარულების კატეგორიაში. 2013 წელს გადავიდა პროფესიონალთა კრივში, სადაც 2016 წელს მოიგო პირველი მსოფლიოს ჩემპიონის ტიტული. 2018 წელს მან თავისი მეთხუთმეტე ბრძოლა ჩაატარა სადაც გახდა პირველი უკრაინელი აბსოლიტური ჩემპიონი. უსიკი დასახელდა 2018 წლის საუკეთესო მებრძოლად Sports Illustrated, ESPN, The Ring და Boxing Writers Association of America (BWAA)-ის მიერ.[2][3]
2019 წელს დატოვა კრეისერული წონის კატეგორია და გადავიდა მძიმე წონით კატეგორიაში. 2021 წელს უსიკმა დაამარცხა მძიმე წონით კატეგორიის საერთო ჩემპიონი ენტონი ჯოშუა და გახდა WBA, IBF, WBO და IBO ჩემპიონი. 2022 წელს მან შეძლო და დაიცვა თავისი ტიტული ენტონი ჯოშუასთან განმეორებით მატჩში. 2024 წლის მაისში, უსიკმა დაამარცხა ტაისონ ფიური და მოიპოვა WBC-ის ტიტული, რის შედეგადაც მოიპოვა აბსოლიტური ჩემპიონის ტიტული მძიმე წონით კატეგორიაში.[4]
ადრეული ასაკი[რედაქტირება | წყაროს რედაქტირება]
უსიკი დაიბადა სიმფეროპოლში, ყირიმის ოლქი, უკრაინის სსრ, საბჭოთა კავშირი 1987 წლის 17 იანვარს. დედამისი დაიბადა ჩერნიჰივის რეგიონში (სოფელ რიბოტინში, კოროპ რაიონი),[5] ხოლო მისი მამა წარმოშობით სუმი იყო.[6] დედამისი შმენებლობზა მუშაობდა, მამამისი კი იყო ჯარისკაცი, რომელიც ავღანეთში მსახურობდა, მოგვინაბით კი ყირიმში დაცვის თანამშორომლად მუშაობდა.
უსიკი არის პირველი შვილი, მაგრამ ყავს ორი და-ძმა.[7] 15 წლამდე თამაშობდა ფეხბურთს და ვარჯიშობდა ოლიმპიური რეზერვის SC Tavriya Simferopol-ის სპეციალიზებულ სპორტულ სკოლაში (კლუბის საფეხბურთო აკადემია).[8] 2002 წელს უსიკი კრივზე გადავიდა. ის არის ლვოვის ფიზიკური კულტურის სახელმწიფო უნივერსიტეტის კურსდამთავრებული.
WBO-ს კრეისერ წონის ჩემპიონი[რედაქტირება | წყაროს რედაქტირება]
უსიკი გლოვაცკის წინააღმდეგ[რედაქტირება | წყაროს რედაქტირება]
2016 წლის ივნისში, დაანონსდა ბრძოლა უსიკსა და პოლონელ დაუმარცხებელ კშიშტოფ გლოვაცკის(26–0, 16 ნოკაუტი) შორის, WBO-ს ტიტულისთვის. ბრძოლა ჩაინიშნა 16 სექტემბერს, პოლონეთში.[9] გავრცელდა ინფორმაცია, რომ უსიკის მწვრთნელს ჯეიმს ალი ბაშირს სურდა ყოფილი მსოფლიო ჩემპიონი ანტონიო ტარვერი სპარინგ-პარტნიორად აეყვანა. ითქვა, რომ ტარვერმა არა მხოლოდ ძალიან ბევრი ფული მოითხოვა, არამედ სურდა გამოჩენილიყო ბარათზე, როგორც მთავარი ღონისძიების მონაწილე.[10] საბოლოოდ ბრძოლა ჩატარდა და თორმეტრაუნდიან დაპირისპირებაში მსაჯების გადაწყვეტილებით გაიმარჯვა უსიკმა.
უსიკი მჩუნუს წინააღმდეგ[რედაქტირება | წყაროს რედაქტირება]
2016 წლის 11 ნოემბერს K2 Promotions-მა გამოაცხადა, რომ უსიკი დაიცავდა თავის WBO-ს ტიტულს 28 წლის სამხრეთ აფრიკელ მოკრივე ტაბისო მჩუნუსთან (17–2, 11 ნოკაუტი). მჩუნუს მანამდე ერთი ბრძოლა წაგებული ქონდა.[11] ეს ბრძოლა იყო უსიკის ამერიკული დებიუტი. დაპირისპირებაში გაიმარჯვა ოლექსანდრ უსიკმა, რომელმაც ბრძოლა მეექვსე რაუნდში ნოკაუტით დაასრულა.
უსიკი ჰანტერის წინააღმდეგ[რედაქტირება | წყაროს რედაქტირება]
2017 წლის 12 თებერვალს უსიკმა გამოაცხადა, რომ გამოცვალა მწვრთნელი ჯეიმს ალი ბაშირი და მის ნაცვლად ვასილი ლომაჩენკოს მამა და მწვრთნელი, ანატოლი ლომაჩენკო აირჩია.[12] 2017 წლის 8 აპრილს, ბობ არუმმა გამოაცხადა, რომ შედგებოდა ბრძოლა უსიკსა და მაიკლ ჰანტერს შორის.
ბრძოლა გაგრძელდა თორმეტი რაუნდი. მეთორმეტე რაუნდის ბოლოს მსაჯმა გააჩერა თამაში და უსიკს ტექნიკური ნოკაუტი ჩაუთვალა.
მსოფლიო კრივის სუპერ სერიები[რედაქტირება | წყაროს რედაქტირება]
უსიკი ჰაკის წინააღმდეგ[რედაქტირება | წყაროს რედაქტირება]
2017 წლის 9 სექტემბერს, ბრძოლა გაიმართა უსიკსა და მარკო ჰაკს შორის. ბრძოლამდე ბოლო პრესკონფერენციაზე 6 სექტემბერს მარკო ჰაკმა უსიკს სახეში მუშტი გაარტყა, მაგრამ უსიკმა სიმშვიდე შეინარჩუნა და თქვა, რომ ჰაკს რინგზე „დამარხავდა“.[13]
ბრძოლა უსიკის სრული დომინირებით წარიმართა, საბოლოოდ კი მერვე რაუნდში მსაჯმა ტექნიკური ნოკაუტით თამაში გააჩერა და უსიკმა კვლავ შეძლო ტიტულის დაცვა.
კრეიზერული წონის აბსოლიტური ჩემპიონობა[რედაქტირება | წყაროს რედაქტირება]
უსიკი გასიევის წინააღმდეგ[რედაქტირება | წყაროს რედაქტირება]
2018 წლის 18 ივნის დაანონსდა, რომ უსიკსა და კრემლევ გასიევს შორის ბრძოლა შედგებოდა 21 ივლისს, მოსკოვის ოლიმპიურ სტადიონზე. 29 ივნისს ფინალი ოფიციალურად დადასტურდა.[14] გამოსვლის თარიღისთანავე 7000 ბილეთი გაიყიდა.[15] ორივე მოკრივე 198,45 ფუნტს იწონიდა.შეცდომა ციტირებაში დამხურავი ტეგი </ref> დაკარგულია; $2
უსიკი ბელიუს წინააღმდეგ[რედაქტირება | წყაროს რედაქტირება]
გასიევთან გამარჯვების შემდეგ უსიკმა თავისი მომდევნო დაპირისპირენა ბელიუსთან დაანონსა. მათ შორის დაპირისპირება შედგა 2018 წლის 10 ნოემბერს.
ბრძოლა უსიკის გამარჯვებით დასრულდა, მან მერვე რაუდში ტექნიკური ნოკაუტით დაამრთავრდა ბრძოლა.
მძიმეწონითი კატეგორია[რედაქტირება | წყაროს რედაქტირება]
უსიკი ჯოშუას წინააღმდეგ[რედაქტირება | წყაროს რედაქტირება]
2019-2020 წლებში ოლექსანდრ უსიკმა მძიმეწონით კატეგორიაში გადასვლის შემდეგ ორი ბრძოლა მოიგო ჩისორასა და უიზერსპუნის წინააღმდეგ. იმ დროის ერთიანი მძიმე წონის ჩემპიონ, ენტონი ჯოშუას ბრძოლა სურდა ტაისონ ფიურისთან, მაგრამ ფიურის ბრძოლა ქონდა ჩანიშნული დეონტეი უაილდერთან. WBO-მ ენტონი ჯოშუას 48 საათი მისცა დრო, რომ ფიურის მოლაპარაკებოდა ბრძოლის თარიღზე და თუ ეს არ მოხდებოდა მაშინ 31 მაისს მოუწევდა უსიკთან შეხვედრა.[16]
20 ივლისს გაკეთდა ოფიციალური განცხადება, სადაც დადასტურდა, რომ ბრძოლა უსიკსა და ჯოშუას შორის გაიმართებოდა 25 სექტემბერს, ტოტენჰემ ჰოტსპურის სტადიონზე.[17] მიუხედავად იმისა, რომ ბევრ გულშემატკივარს ეგონა, რომ უსიკი ზომისა და წონის გამო დამარცხდებოდა ენტონი ჯოშუასთან, მან საწინააღმდეგო დაამტკიცა. 12 რაუნდი გაგრძელდა დაპირისპირება სადაც მსაჯების გადაწყვეტილებით უსიკმა გაიმარჯვა ანგარიშით, 17–112, 116–112 და 115–113. 22 ივნისს გამოცხადდა, რომ განმეორებითი მატჩი იგეგმებოდა ჯედაში, საუდის არაბეთში 20 აგვისტოს, სადაც უსიკი დაიცავდა WBA, WBO და IBF საჩემპიონო ქამრებს, ხოლო ჯოშუა, როგორც მეტოქე ისე წარდგებოდა.
უსიკი ჯოშუას წინააღმდეგ II[რედაქტირება | წყაროს რედაქტირება]
მათი მეორე ბრძოლის ჩატარება უსიკს სურდა კიევის ოლიმპიურ სტადიონზე, მაგრამ 2022 წლის 24 თებერვალს დაიწყო რუსეთ-უკრაინის ომი. ბრძოლის ჩატარების თარიღმა გადაიწია გაურკვევლი დროით, რადგან უსიკმა გადაწყვიტა უკრაინაში დაბრუნებულიყო. თუმცა, მარტში დაანონსდა რომ უსიკი მალე დატოვებდა უკრაინას და გაანხლებდა ვარჯიშს.[18]
2022 წლის 19 ივნის ოფიციალურად დადასტურდა ჯოშუასა და უსიკის რევანში, რომელიც გაიმართებოდა ჯედაში 20 აგვისტოს. ბრძოლა აღნიშნულიყო, როგორც უსიკის პირველი ტიტულის დაცვა მძიმე წონაში.[19]
მიუხედავად იმისა, რომ ჯოშუამ პირველ ბრძოლასთან შედარებით დიდი პროგრესი განიცადა, უსიკმა მაინც შეძლო გამაჯვება. მსაჯების გადაწყვეტილებით გაიმარჯვა უსიკმა, მხოლოდ ერთმა მსაჯმა გლენ ფლენდმანმა მიანიჭა უპირატესობა ჯოშუას 115-113, დანარჩენმა ორმა მსაჯმა უსიკის სასარგებლოდ დაწერა ქულები 115–113 და 116–112.[20]
მძიმე წონის აბსოლიტური ჩემპიონი[რედაქტირება | წყაროს რედაქტირება]
უსიკი დაუპირისპირდა WBC-ის ჩემპიონ ტაისონ ფიურის მძიმე წონის აბსოლიტური ტიტულისთვის საუდის არაბეთის ქალაქ რიადში. ბრძოლის კონტრაქტზე ხელის მოწერა დაანონსებული იყო 2023 წლის 29 სექტემბრისთვის.[21] 2 თებერვალს გამოცხადდა, რომ ბრძოლა 17-ში არ უნდა გამართულიყო, რადგან ფიურიმ ვარჯიში შეწყვიტა.[22] ბრძოლა გადაიდო 18 მაისისთვის. უსიკმა ორთაბრძოლაში გაიმარჯვა მსაჯების გადაწყვეტილებით, 115–112, 113–114 და 114–113 ქულებით, რითაც ის გახდა 24 წლის შემდეგ პირველი აბსოლიტური ჩემპიონი მძიმე წონაში.<ref>Usyk beats Fury to become first undisputed heavyweight boxing champion in 24 years<ref>
| 22 ბრძოლა | 22 გამარჯვება | 0 მარცხი |
|---|---|---|
| ნოკაუტით | 14 | 0 |
| მსაჯების გადაწყვეტილებით | 8 | 0 |
რესურსები ინტერნეტში[რედაქტირება | წყაროს რედაქტირება]
სქოლიო[რედაქტირება | წყაროს რედაქტირება]
- ↑ Usyk beats Fury to become undisputed champion
- ↑ Oleksandr Usyk named ESPN 2018 fighter of the year
- ↑ ALEKSANDR USYK NAMED RING MAGAZINE FIGHTER OF THE YEAR 2018, ALL CATEGORY WINNERS REVEALED
- ↑ Usyk Defeats Tyson Fury And Becomes A Two-Weight Undisputed Champion
- ↑ Александр Усик – украинский казак, завоевавший Лондон
- ↑ Бой в Риботини, или Как журналистка смотрела боксерский поединок Усик - Гассиев с мамой и друзьями нашего боксера
- ↑ Отец привел Усика в бокс. Но так и не увидел его олимпийское золото
- ↑ Александр Усик про бой с Джошуа, поражение Ломаченко, провокации и политику. Ходят слухи 106
- ↑ Krzysztof Głowacki Vs. Oleksandr Usyk On September 17
- ↑ https://www.boxingscene.com/tarver-wanted-big-money-co-feature-billing-usyk-sparring--108265
- ↑ Oleksandr Usyk to make defense against Thabiso 'The Rock' Mchunu
- ↑ Oleksandr Usyk hires Anatoly Lomachenko as trainer
- ↑ Usyk Vows To "Bury" Huck After Being Shoved at Press Conference
- ↑ Usyk vs. Gassiev Officially Announced For July 21, Moscow
- ↑ Usyk vs. Gassiev a Hot Ticket in Moscow, 7,000 Sold in First Day
- ↑ Anthony Joshua ordered to defend WBO heavyweight title against Aleksandr Usyk
- ↑ JOSHUA MEETS USYK AT TOTTENHAM HOTSPUR STADIUM ON SEP 25
- ↑ Oleksandr Usyk leaving Ukraine to train for Anthony Joshua rematch
- ↑ REMATCH Oleksandr Usyk vs Anthony Joshua 2 CONFIRMED for August 20 in Saudi Arabia
- ↑ Judge Glenn Feldman confronted for controversial scorecard where he had Anthony Joshua ahead of Oleksandr Usyk in heavyweight rematch
- ↑ Sources: Tyson Fury, Oleksandr Usyk sign on for winter showdown
- ↑ Tyson Fury v Oleksandr Usyk undisputed heavyweight title fight off after Briton sustains cut