ტაძავა (იაპონ.田沢湖) — გაუდინარი კალდერული ტბა იაპონიაში. ადმინისტრაციულად მდებარეობს აკიტის პრეფექტურაში, ქალაქ სემბოკუს ტერიტორიაზე. განლაგებულია ზღვის დონიდან 290 მ სიმაღლეზე. ზედაპირის ფართობი 25,9 კმ²,[1][2] წყლის მოცულობა 7,2 კმ³. წარმოადგენს იაპონიის უღრმეს ტბას. მაქსიმალური სიღრმეა 423,4 მ. ტბის წყალი საკმაოდ გამჭვირვალეა, ზოგჯერ ეს მაჩვენებელი 30 მ აღწევს. დიდი სიღრმეების გამო ტაძავა არასდროს არ იყინება. ტბა და მისი მიდამოები დასვენების პოპულარული ადგილია. სიახლოვეს არის რამდენიმე სამთო-სათხილამურო კურორტი. მდიდარია თევზით, მოიპოვება Oncorhynchus kawamurae, Salvelinus leucomaenis, Oncorhynchus nerka და სხვა.