Позитрон
Позитрон (латынча positivus – оң жана ...трон) – оң электр зарядына ээ элементардык бөлүкчө; электронго антибөлүкчө (е+). Массасы, спини электрондукуна барабар. 1932-ж. америкалык физик К. Д. Андерсон экспериментте байкап, «Позитрон» терминин киргизген. Позитрон гравитациялык, электрмагниттик, начар аракеттенишүүлөргө катышат жана лептондор классына кирет. Гамма-кванттардын таасиринен е+ түгөйлөрдүн жаралуу процессинде, мюондор ажырагандаж. б. учурларда пайда болот.
Колдонулган адабияттар
- “Кыргызстан” улуттук энциклопедиясы: 6-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. 816 бет, илл. ISBN 978 9967-14-117 -9