Fontem paginae Franciscus Etzel inspicere

{{capsa hominis Vicidata}}
'''Franciscus''' (Theod.: ''Franz'') '''Etzel''' (natus [[12 Augusti]] [[1902]] [[Vesalia]]e, mortuus [[9 Maii]] [[1970]] vico Witlaer apud [[Dusseldorpium]]) vir publicus [[Germania]]e et sodalis [[Christiana Democratica Unio Germaniae|Christianae Democraticae Unionis Germaniae]] erat.

== Familia, Iuventus Munusque ==
Pater eius colonus fuit. Quamquam Franciscus inopia pecuniae scholam relinquere coactus est, tam maturitatem adeptus est: Fecit tirocinium metallici et deinde iterum scholam frequentavit et anno [[1922]] maturitatem accepit. Deinde [[Universitas Ioannes Wolfgang Goethe Francofurtensis|Francofurti ad Moenum]], [[Monasterium (Germania)|Monasterii]] atque [[Monachium|Monachii]] iurisprudentiae studebat. Anno [[1925]] primam, [[1930]] secundam probationem nactus est. Deinde [[Thuiscoburgum|Thuiscoburgi]] causidicus laboravit. Ab anno [[1939]] etiam notarius fuit atque brevi tempore post miles conscriptus [[Bellum Orbis Terrarum II|Bello Orbis Terrarum II]] ad usque finem interfuit. Post cursum honorum finitum (vide infra) ab anno [[1969]] praeses argentariae privatae fuit.

== Cursus honorum ==
Etzel iam studiosus sodalis foederum iuvenum fuit et anno [[1931]] sodalis [[Factio Theodisca Popularis Nationalis|Factionis Theodiscae Popularis Nationalis]] factus est et ad annum [[1933]] mansit, cum haec factio dissolveretur. Post bellum finitum Etzel cum aliis factionem CDU condidit. Praesertim sententias factionis suae rerum commercii composuit. Anno [[1949]] primo legatus [[Dieta Foederalis Germaniae|Dietae Foederalis Germaniae]] electus est. Anno [[1952]] praeses vicarius [[Communitas Europaea carbonis et chalybis|Foederis Europaei Carbonis et Chalybis]] creatus est atque [[4 Ianuarii]] [[1953]] Dietam Foederalem reliquit. Anno [[1957]] iterum legatus Dietae Foederalis electus et [[29 Octobris]] [[1957]] [[Administer Foederalis Aerarii Publici]] in consilio ministrorum [[Conradus Adenauer|Adenauer]] nominatus est. Sed iam [[14 Novembris]] [[1961]] post electionem Dietae Foederalis magistratum reliquit. Anno [[1965]] etiam non iam candidatus parlamenti Theodisci fuit.

== Nexus externi ==
* [https://web.archive.org/web/20100601001921/http://www.wesel.de/C12574D40039C745/html/E2B11EED175B43A4C12574DC0029385B?Open Curriculum vitae in pagina oppidi Veseliae (lingua Theodisca)]

{{Administri Foederales Aerarii Publici}}
{{Consilium Ministrorum Adenauer III}}

{{Lifetime|1902|1970|Etzel, Franciscus}}

[[Categoria:Participes secundi belli mundani]]
[[Categoria:Alumni Universitatis Francofurtensis]]
[[Categoria:Alumni Universitatis Monasteriensis]]
[[Categoria:Alumni Universitatis Monacensis]]
[[Categoria:Legati Dietae Foederalis Germaniae]]
[[Categoria:Administri Foederales Aerarii Publici]]