Arnaldus Oihenartus

Arnaldus Oihenartus vel Oihenartius (Vasconice Arnaut Oihenart, Francogallice Arnauld Oihénart, in Malo Leone die 7 Augusti 1592 natus; Sancti Palatii die 14 Ianuarii 1668 mortuus) fuit iuris peritus Francicus, historicus Vasconiae Latinus, poëta, et paroemiographus Vasconicus.

Vita

In Universitate Burdigalensi iuri studebat, ubi anno 1612 graduatus est; multa opera iuris consulti perfecit, sed praeter ea monimenta historica varia Vasconiae et Beneharniae ubique colligebat; horum studiorum fructus sunt volumina manu scripta quadraginta et quinque, quae Gabriel Arnaldi filius Ioanni Baptistae Colbert misit; eorum viginti nunc in Bibliotheca Nationali Francica servantur. Anno 1625 Oihenartus Déclaration historique de l'injuste usurpation et remain de la Navarre par les Espagnols (Declarationem historicam de Navarra ab Hispanis iniuste occupata et retenta) sine nomine edidit, cuius operis fragmentum Latine compositum in Mémoires pour l'histoire de Navarre Augusti Galland inclusum est. Opus Oihenarti magnum est Notitia utriusque Vasconiae, tum Ibericae, tum Aquitanicae anno 1637 edita; anno 1657 proverbiorum Vasconicorum 537 collectionem edidit, quibus et poëmata sua Vasconica addidit. Tractatus de versibus Vasconice componendis solum anno 1967 editus est.

Opera selecta

Notitia utriusque Vasconiae, tum Ibericae, tum Aquitanicae, 1637
Les Proverbes Basques, recueillis par le Sr. d'Oihenart; plus les poésies basques du mesme auteur (1657)
L'art poetique (1665, ars poetica Vasconica)

De Oihenarto

Britannica, 1911.
J.-B.-É. De Jaurgain, Arnaud d'Oihenart et sa famille, in Revue du Béarn, Navarre et Lanne d'avril-juin et mai-juillet 1885 №№ 18-19.
Manex Goihenetxe, A. d'Oihenart historien : aspects de son profil social, politique, culturel .
Jean de Jaurgain, Un aperçu sur un historien du Pays basque, historiographe d'Oihenart .
Henri Omont, Don des manuscrits d'Arnauld d'Oihénart à Colbert - 15 octobre 1675, in: Bibliothèque de l'école des chartes. 1916, vol. 77. pp. 398-399.