Nialus Armstrong
![Nialus Armstrong: imago](https://upload.wikimedia.org/wikipedia/commons/thumb/0/0d/Neil_Armstrong_pose.jpg/150px-Neil_Armstrong_pose.jpg)
![Nialus Armstrong: subscriptio](https://upload.wikimedia.org/wikipedia/commons/thumb/1/16/Neil_Armstrong_Signature.svg/150px-Neil_Armstrong_Signature.svg.png)
Obitus: 25 Augusti 2012; Cincinnati
Patria: Civitates Foederatae Americae
Nomen nativum: Neil Alden Armstrong
Familia
Coniunx: Janet Shearon, Carol Held Knight
Proles: Rick Armstrong
Memoria
![](https://upload.wikimedia.org/wikipedia/commons/thumb/1/14/Pilot_Neil_Armstrong_and_X-15_-1_-_GPN-2000-000121.jpg/220px-Pilot_Neil_Armstrong_and_X-15_-1_-_GPN-2000-000121.jpg)
![](https://upload.wikimedia.org/wikipedia/commons/thumb/a/a4/Neil_Armstrong_reviewing_Apollo_11_flight_plan_%2848293562382%29.jpg/220px-Neil_Armstrong_reviewing_Apollo_11_flight_plan_%2848293562382%29.jpg)
![](https://upload.wikimedia.org/wikipedia/commons/thumb/d/de/RIAN_archive_837790_Valentina_Tereshkova_and_Neil_Armstrong.jpg/220px-RIAN_archive_837790_Valentina_Tereshkova_and_Neil_Armstrong.jpg)
Nialus Armstrong, Anglice plenius Neil Alden Armstrong (iuxta Wapakoneta in Ohio natus die 5 Augusti 1930; mortuus Cincinnatis die 25 Augusti 2012), artis aerospatialis ingeniarius et professor universitarius, anno 1969 fuit aviator et astronauta Americanus, qui primus in superficie lunari ambulavit. Armstrong astronavi missionis Apollinis 11 iter ad lunam facienti praefectus in lunam modulo lunari Eagle appellavit; tunc primo pede in superficie lunari die 20 Iulii 1969 posito haec verba Anglice dixit praeclara: "One small step for [a] man, one giant leap for mankind" ('Parvus homini passus, pergrandis humanitati saltus').
Armstrong fuit primus trium puerorum. Usque in pueritia aeronauticae studebat, specimina minuta adhibendo; postea adultus diploma gubernatoris anno 1946 attigit.
Anno 1950, Armstrong aviator Bello Coreano pugnavit, aeronaves apud Essex Classis Civitatum Foederatarum gubernans. Rediens in Civitates Foederatas, in universitatem iniit et anno 1955 diploma laureati artis astronauticae accepit.
Postea, Armstrong gubernator civilis factus est in Aeroportu Edwards Californiae pro NACA (nominata NASA anno 1958).
Armstrong septem volatus aeronave North American X-15 effecit, altitudinem 63 chiliometrorum (207 500 pedum) et velocitatem 6615 chiliometraper horam attingens. Officium autem reliquit cum plus quam 2450 horas in 200 astronavibus diversis egisset (inter quos numerantur areoroplani rapidi et helicoptera oneraria). Ab anno 1960 usque ad annum 1962, fuit etiam particeps consilii Atlantidis orbitalis Dyna Soar.
Cursus astronauticus
[recensere | fontem recensere]Anno 1962, Armstrong selectus est a NASA in altero grege astronautarum. Mense Martio anno 1966, imperavit capsulam Geminorum 8 (Anglice: Gemini 8) cum Davide Scott ad futurum vinculationem duarum astronavium in orbita. Vehiculum quod scopus fungebat appellatum est Agena; haec navis non habitata, eiecta est paucis minutis ante capsulam Armstrongi et Scotti. Nave autem Geminorum deficienti, ambo vehicula separata sunt maturius, ut ambo homines redirent in Terram, rebus urgentibus. Postea Armstrong necem vix evitavit die 6 Maii 1968 cum aeroplanum LLRV (appelliculum?) effractum est, quod gubernabat.
Mense Iulio 1969, Armstrong missionem imperavit Apollinis 11, quaeetiam Eduinum "Buzz" Aldrin (gubernatorem moduli lunaris) et Michaelem Collins (gubernator moduli imperandi) comprehendebat. Missio Apollinis XI reliquit Sedem Spatii Kennedy in Florida die 16 Iulii 1969, ut deponatur mite quattuor diebus tardius, die 20 Iulii in 20° hora et 17 minutis, in Lunam, in Mari Tranquillitatis. Mille millia millium hominum res gestas in umbraculis televisionis spectaverunt. Ex modulo lunari Eagle (sc. Latine Aquila), Armstrong proclamavit : "Houston, ibi Statio Tranquillitatis. Aquila appulsit."
Sex horis post appulsum, mane, die 21 Iulii 1969, Armstrong descendit e LEM, in 2° hora, 56 minutis, 15 secundis. Ipse est primus homo qui Lunam calcaverit. Hoc momento, proclamat : "Unus parvus homini passus, maximus humanitati saltus."
Eduinus "Buzz" Aldrin consequitur quadrante horae tardius et infigit vexillum cum stellis Americanis in Lunam. In caelo, capsula Apollo circumire pergit Lunam, cum tertio viro gregis, Michaele Collins. Neilus Armstrong designatus est ut esset primus qui calcaverit Lunam quia erat civis nec miles ut eius duo comites.
Armstrong calcare solum Lunae per duas horas 31 minutas potuit, in quibus percucurrit circa 250 metra. Armstrong et Aldrin posuerunt plura instrumenta metiendi et collegerunt 22 chiliogrammata rupium lunarium. Eodem die, redierunt in terram et appulserunt in Oceanum Pacificum, die 24 Iulii.
Unio Astronomica paulum post nomine Armstrong appellavit parvum craterem prope situm appulsus Apollinis XI, et asteroidem no. 6469.
Ulterius curriculum
[recensere | fontem recensere]![](https://upload.wikimedia.org/wikipedia/commons/thumb/c/c3/Neil_Armstrong_2004.jpg/220px-Neil_Armstrong_2004.jpg)
Armstrong in Universitatem Cincinnatiensem ab anno 1971 ad 1979 init, ut munere professoris ingeniariae aeronauticae. Nominatus est vice praeses commissionis inquisitionis de displodenda navicula spatiali Challenger (sc. Latine fere Adversarius) anno 1986. Ab anno 1992 ad 2002, anno secessus, praeses fuit societatis avionicae AIL Technologies.
Bibliographia
[recensere | fontem recensere]- Fons de exploratione lunari primarius
- Apollo 11 Lunar Surface Journal: "One Small Step": res gestae et locutae (textus cum pelliculisa annexis). NASA, 1995
- Alia documenta
- "Men Walk On Moon: Astronauts Land On Plain, Collect Rocks, Plant Flag" in New York Times (21 Iulii 1969)
- "Open letter: Neil Armstrong, James Lovell and Eugene Cernan urge Obama not to forfeit US progress in space exploration" in The Guardian (15 Aprilis 2010)
- Libri biographici
- Barbree, Jay. 2014. Neil Armstrong: A Life of Flight. Novi Eboraci: Thomas Dunne Books. ISBN 978-1250040718 (Anglice)
- Chaikin, Andrews. 1995. A Man on the Moon. Londinii: Penguin Books. ISBN 0140241469 (Anglice)
- French, Francis, et Colin Burgess. 2007. In the Shadow of the Moon. Lincolniae: University of Nebraska Press. ISBN 978-0-8032-1128-5 (Anglice)
- Hansen, James R. 2005. First Man: The Life of Neil A. Armstrong. Novi Eboraci: Simon & Schuster. ISBN 074325631X (Anglice)
- Kranz, Gene. 2000. Failure is not an Option: Mission Control From Mercury to Apollo 13 and Beyond. Novi Eboraci: Simon & Schuster. ISBN 0743200799 (Anglice)
- Nelson, Craig. 2009. Rocket Men: The Epic Story of the First Men on the Moon. Londinii: John Murray. ISBN 9781848542914 (Anglice)
- Smith, Andrew. 2005. In Search of the Men Who Fell to Earth: Moondust. Londinii: Bloomsbury. ISBN 0747563683 (Anglice)
- Thompson, Milton O. 1992. At The Edge Of Space: The X-15 Flight Program. Vasingtoniae: Smithsonian Books. ISBN 978-1560981077 (Anglice)
- Necrologiae selectae
- "US-Astronaut Neil Armstrong ist tot - Ein bescheidener Held in Berliner Morgenpost (26 Augusti 2012) (Theodisce)
- "Erster Mann auf dem Mond: Armstrong wird im Meer bestattet" in Der Spiegel (7 Septembris 2012) (Theodisce)
- Michael Collins, "The Neil Armstrong I knew — and flew with" in Washington Post (12 Septembris 2012) (Anglice)
- Frank Junghänel, "Neil Armstrong tot: Im Meer der Stille" in Frankfurter Rundschau (26 Augusti 2012) (Theodisce)
- Reginald Turnill, "Neil Armstrong obituary: American astronaut and first man to walk on the moon who was a 'reluctant hero'" in The Guardian (26 Augusti 2012) (Anglice)
- Hellmuth Vensky, "Bemannte Raumfahrt: Mit Neil Armstrong stirbt der wahre Mann im Mond" in Zeit Online (26 Augusti 2012) (Theodisce)
- John Noble Wilford, "Neil Armstrong, First Man on the Moon, Dies at 82" in New York Times (25 Augusti 2012) (Anglice)
Nexus externi
[recensere | fontem recensere]![]() |
Vicimedia Communia plura habent quae ad Nialum Armstrong spectant. |
- "Neil Armstrong" apud Vicicitationes (Anglice)
- Vita apud NASA (Anglice)
- Situs commemorativus apud bibliothecam universitatis Cincinnatiensis (Anglice)
- Situs biographicus olim a familia Armstrong praebitus, denuo apud archive.org (Wayback Machine) servatus (Anglice)
- "Der Adler ist gelandet. 26. August 2012": de vita et commemoratione Niali Armstrong apud Ostasieninstitut (Theodisce)
- Cornish, Scott, Tahir Rahman, Bob McLeon, Ken Havekotte, et John Reznikoff. Neil Armstrong Signature Exemplars. CollectSpace.com