Populus tremula
![](https://upload.wikimedia.org/wikipedia/commons/thumb/0/09/Illustration_Populus_tremula0.jpg/240px-Illustration_Populus_tremula0.jpg)
Ordo : Malpighiales
Familia : Salicaceae
Genus : Populus
L., 1753
Species : Populus tremula
![](https://upload.wikimedia.org/wikipedia/commons/thumb/d/d4/Populus_tremula_005.jpg/220px-Populus_tremula_005.jpg)
Populus tremula (nomen botanicum a Carolo Linnaeo anno 1753 statutum) est arbor generis populi plantarum florentium familiae Salicacearum.
Descriptio
[recensere | fontem recensere]![](https://upload.wikimedia.org/wikipedia/commons/thumb/3/34/Populus_tremula_%D0%9E%D1%81%D0%B8%D0%BD%D0%B0_%D0%A1%D0%B5%D1%80%D0%B5%D0%B6%D0%BA%D0%B8_%D0%B2%D0%B5%D1%81%D0%BD%D0%BE%D0%B9.jpg/220px-Populus_tremula_%D0%9E%D1%81%D0%B8%D0%BD%D0%B0_%D0%A1%D0%B5%D1%80%D0%B5%D0%B6%D0%BA%D0%B8_%D0%B2%D0%B5%D1%81%D0%BD%D0%BE%D0%B9.jpg)
Truncum rectum columnarem usque ad 35 m altitudinis et interdum usquae ad 1 m latitudinis habet. Cortex arborum iuvenum laete canus vel virens, arbore crescente a basi fuscatur. Systhema radicale altum et abundanter soboliferum est. Lignum album et subvirens.
Arbor decidua est. Phyllotaxis populi tremulae alterna est. Folia rotundata vel rhombea, acuta vel mutica, a 3 ad 7 cm longitudinis sunt. Foliorum margines crenatae sunt. Nervatio pinnata. Caules populi tremulae folia maiora, usque ad 15 cm longitudinis, et paene cordata habere possunt. Petioli foliorum superne compressi sunt, ideo folia vento facilius moventur et fortiter obstrepunt.
Populi tremulae unisexuales sunt. Flores minuti in amenta collati sunt. Amenta arborum mascularum usque ad 15 cm longitudinis sunt, coloris subrubidi, amenta feminea virentia. Populus tremula vere floret, antequam folia eius expanduntur. Fructus capsulae minutissimae sunt, semina pilorum fasciculum habent.
Habitatio
[recensere | fontem recensere]In zona temperata Eurasiae late dispersa est, a finibus tundrae per zonam silvae borealis et interdum per steppam (ubi kolok format, i.e. unius speciei nemora, quae sobolibus e radicibus propagantur). In Europa, Russia, Kazachstania, Mongolia, Corea et in Sinis gignitur.
Notae
[recensere | fontem recensere]- ↑ E libro Othonis Gulielmi Thomé Flora von Deutschland, Österreich und der Schweiz, 1885.
Bibliographia
[recensere | fontem recensere]Nexus externi
[recensere | fontem recensere]![]() |
Situs scientifici: Tropicos • Tela Botanica • GRIN • ITIS • Plant List • NCBI • Biodiversity • Encyclopedia of Life • Plant Name Index • IUCN Red List • Plantes d'Afrique • Flora of China • INPN France • Flora of North America • USDA Plants Database |
![]() |