Uzo

Uzo (Neograece Oύζο) est potio alcoholica sapore anisi adiecto, quae praecipue in Graecia et in Cypro libenter bibitur.

Historia

Quando ubique primum uzo coctum sit nescitur. Verisimiliter uzo e tsipuro vel uraqua progressum est, quae iam saeculo XV ab incolis Graecis Turcisque Imperii Ottomanici cocta sunt. Uzo saeculo XIX coctum esse pro certo habetur.

Plurimae societates, quae uzo producunt, in Lesbo insula sedent. Uzo in Europa appellationem origine protectam habet.

Etymologia

Sunt, qui verbum "Uzo" ex Turcico üzüm ("uvae", "sucus uvarum") deducant.^[1] Alii coniciunt "Uzo" ex lingua Italiana deductum esse, quod Uzo olim arcis ligneis verbis "Uso di Marsiglia" intitulatis in terras externas missum esset.^[2]

Notae

↑ G. Clauson (1972): An Etymological Dictionary of Pre-Thirteenth Century Turkish, Oxoniae, p. 288
↑ Georgios Babiniotis (2005): Λεξικό της Νέας Ελληνικής Γλώσσας, 2. ed., Κέντρο Λεξικολογίας, ISBN 960-86190-1-7, p. 1285

Nexus externi

Vicimedia Communia plura habent quae ad Uzo spectant.

Situs de Uzo

[1] G. Clauson (1972): An Etymological Dictionary of Pre-Thirteenth Century Turkish, Oxoniae, p. 288

[2] Georgios Babiniotis (2005): Λεξικό της Νέας Ελληνικής Γλώσσας, 2. ed., Κέντρο Λεξικολογίας, ISBN 960-86190-1-7, p. 1285

[1]

[2]