Gemeng Walfer

Gemeng Walfer
Gemeng Walfer
	d'Märei vu Walfer
An anere Sproochen	fr: Walferdange; de: Walferdingen
Land	Lëtzebuerg
Kanton	Kanton Lëtzebuerg
Chef-lieu	Walfer
Buergermeeschter	François Sauber (CSV)
Awunner	8.866
	1. Januar 2024
Fläch	7,06 km²
Héicht	228 m
Koordinaten	49° 39’ 46’’ N; 06° 08’ 00’’ O
LAU-Code	LU0310
Websäit	http://www.walferdange.lu/

D'Gemeng Walfer ass eng vun den 100 lëtzebuergesche Gemengen. Se läit am Kanton Lëtzebuerg. De Chef-lieu vun der Gemeng ass d'Uertschaft Walfer vun där se och hiren Numm huet.

Geographie

D'Gemeng Walfer läit am Uelzechtdall a grenzt am Süden un d'Stad Lëtzebuerg, am Westen un d'Gemeng Koplescht an am Norden an Osten un d'Gemeng Steesel.

Uertschaften an der Gemeng

Zur Gemeng gehéieren d'Uertschaften

an de Lieu-dit

Jaanshaff

Geschicht

D'Gemeng Walfer besteet zanter dem 1. Januar 1851^[1], virdrun hunn d'Uertschafte vun der Gemeng Walfer zu der Gemeng Steesel gehéiert.

Am Annuaire officiel 1917 fënnt ee fir d'Gemeng Walfer 1.077 Awunner, 221 bewunnten Haiser an 239 Famillen.

Entwécklung vun der Awunnerzuel

Quell:STATEC

Wopen

	Beschreiwung am Originaltext: d'or au renard rampant de gueules tenant de ses pattes de devant une flèche du même posée en pal, accompagné de sept billettes aussi de gueules posées en orle aux flancs et en pointe, au chef, d'azur à la porte de trois tours ouverte d'or D.C. 11. November 1983 - A.M. 26. Mäerz 1984 - Mémorial B 1984, Säit 454 - Projet: 1983 Jean-Claude Loutsch.

Politik

De Gemengerot vu Walfer gëtt nom Proporzsystem gewielt. E setzt sech aus 13 Conseilleren zesummen.

De Schäfferot, deen aus de Gemengewalen 2011 ervirgoung, huet sech op eng DP-LSAP-Koalitioun gestäipt. Zanter deene vun 2017 ass et eng Koalitioun vun CSV an Déi Gréng. Buergermeeschter ass de François Sauber^[2].

Zesummesetzung

D'Majoritéitskoalitioun am Gemengerot ass fett geschriwwen

Joer	CSV	DP	gréng	LSAP
1999	5	5	-	3
2005	4	4	2	3
2011	3	5	2	3
2017	5	4	2	2
2023	5	3	3	2

Quell: Inneministère / RTL.lu / elections.lu

Buergermeeschteren

00Dëst Kapitel ass nach eidel oder onvollstänneg. Hëlleft wgl. mat, fir et ze komplettéieren.

...
1923 - 1947: Pierre Hennes
...
1967 - 1987: Carlo Meintz
1988 - 1995: Erna Hennicot-Schoepges
1995 - 1999: Marcel Sauber
2000 - 2002: Carlo Meintz
2003 - 2015: Guy Arendt
2016 - 2017: Joëlle Elvinger
zanter 2017: François Sauber

De Wope vun der Gemeng

De Gemengerot vu Walfer huet an der Sëtzung vum 11. November 1983 iwwer de Wopen ofgestëmmt an en ugeholl. Duerch arrêté ministériel vum 26. Mäerz 1984 gouf de Wopen agreéiert. (Mémorial B vun 1984 Säit 454).

Am Originaltext am Mémorial gëtt de Wope sou beschriwwen:

« D'or au renard rampant de gueules tenant de ses pattes de devant une flèche du même posée en pal, accompagné de sept billettes aussi de gueules posées en orle aux flancs et en pointe, au chef, d'azur à la porte de trois tours ouverte d'or ».