Geminiden
Geminiden[1] | |
---|---|
Aktivitéitszäitraum | 7. - 17. Dezember |
Aktivitéitsmaximum | 14. Dezember |
Radiantepositioun vum Maximum |
RA: 7h 28m DE: +33° |
ZHR | 120 |
Populatiounsindex | 2,6 |
geozentresch Vitess | 35 km/s |
![](https://upload.wikimedia.org/wikipedia/commons/thumb/5/58/Gemini_constellation_map.png/220px-Gemini_constellation_map.png)
D'Geminide sinn e Meteorstroum. Säi Radiant läit am Stärebild Gemini (Zwillinge). An deem Stärebild sinn déi zwéi gläichhell Stäre Castor a Pollux ze fannen.
Well de Radiant Mëtt Dezember um Himmel vis-à-vis vun der Sonn steet, ass wärend der ganzer Nuecht d'Stärebild iwwer dem Horizont ze gesinn. Déi héchst Stellung gëtt kuerz no Hallefnuecht erreecht. Dofir loosse sech d'Geminiden am Géigesaz zu anere Meteorstréim ganz gutt an den Owesstonnen observéieren. D'Geminide si besonnesch androcksvoll, well si vill hell, typesch giel-wäiss Meteore bréngen. Déi hellste Meteore kommen typescherweis eréischt nom Maximum, wärend virdrun déi schwaach Objeten dominéieren.
Urspronkskierper vun de Geminiden, déi näischt aneres sinn, wéi eng Stëbswollek, déi eis Sonn ëmkreest, gëllt en Asteroid den ënner dem Numm Phaethon klasséiert ass. Seng Bunn ëm d'Sonn gläicht ofgesi vun der kuerzer Ëmlafszäit vun nëmmen 1,4 Joer staark där vun engem Koméit.
D'Aktivitéit vun de Geminiden huet sech stänneg an de leschte Joerzéngte vergréissert. Am Joer 2009 goufen am Maximum eng ZHR vu ronn 140 Geminide pro Stonn registréiert.[2] Et ass gutt méiglech, datt Zuel vun de Geminiden an de nächste Joren nach däitlech méi grouss gëtt.
Kuckt och
[änneren | Quelltext änneren]- Stärebild Gemini
- Meteorstréim
- Aquariden
- Meteoriten
Um Spaweck
[änneren | Quelltext änneren]- (en) Geminids
- (de) Astro Corner: Geminiden
- (de) Allg. Infos, Geschicht & Links
- (de) Observatiounstipps an Allg. Infos vum Astroveräin-Halle
Referenzen
[Quelltext änneren]- ↑ IMO Meteor Shower Calendar 2009
- ↑ Geminids 2009 Archivéiert de(n) 2016-10-24. Gekuckt de(n) 2011-05-10.