John Paul Wild
John Paul Wild | |
---|---|
![]() | |
Gebuer |
17. Mee 1923 Sheffield |
Gestuerwen |
10. Mee 2008 Canberra |
Nationalitéit | Australien |
Educatioun | Peterhouse |
Aktivitéit | Astronom, Radiotechniker, Wëssenschaftler |
Member vun | Royal Society, American Academy of Arts and Sciences, Australesch Wëssenschaftsakademie, International Astronomesch Unioun |
![]() |
Den John Paul Wild, gebuer de 17. Mee 1923 zu Sheffield, a gestuerwen den 10. Mee 2008, och Paul Wild genannt, war en australeschen Astronom a Wëssenschaftsmanager. Hien ass e Pionéier vun der Radioastronomie.
De Wild krut seng akademeisch Ausbildung a Mathematik a Physik op der Universitéit vu Cambridge. Am 2. Weltkrich war hie Radaroffizéier bei der brittescher Marinn. Am Joer 1947 huet hie sech der australescher Wëssenschaftsorganisatioun CSIRO ugeschloss, wou hie Leeder vun der Sektion fir Radiophysik (1971–1977) a President vun der CSIRO (1978–1985) gouf. Säi wëssenschaftlechen Intressi war d'Radioastronomie an d'Sonnephysik. Hie gehéiert zu den éischten, déi nom 2. Weltkrich déi nei Radiotechnik systematesch fir Sonnenënnersich gebraucht hunn. Vun 1967 bis 1970 huet hien an der Internationaaler Astronomescher Unioun (IAU) d'Kommissioun fir d'Radioastronomie geleet.