Pierre Charles Schoren
Pierre Charles Schoren | |
---|---|
Gebuer |
8. Juni 1868 Jonglënster |
Gestuerwen |
6. Januar 1935 Lëtzebuerg |
Nationalitéit | Lëtzebuerg |
Aktivitéit | Fotograf |
![]() |
De Pierre Charles (P. C.) Schoren, gebuer den 8. Juni 1868 zu Jonglënster, a gestuerwen de 6. Januar 1935 an der Stad Lëtzebuerg, war e lëtzebuergesche Fotograf an Editeur vu Postkaarten.
Fotograf an den USA an an der Stad Lëtzebuerg
[änneren | Quelltext änneren]De P. C. Schoren ass am Abrëll 1891 an d'USA ausgewandert, wou hien zu Boston (Suffolk County, Massachusetts) an zu Lynn (Essex County, Massachusetts) als Fotograf geschafft huet. No sengem Retour aus den USA huet hien am Mee 1899 e fotografeschen Atelier an der Stad Lëtzebuerg, Avenue de la Gare, Nr. 11, opgemaach. Vun 1900 un huet hien och Postkaarte publizéiert.
Enn 1907 huet hie säi Geschäft an déi deemoleg Siegfriedstrooss, Nr. 10, (haut: rue Jean-Origer) verluecht, an am August 1910 an d'Bourbonstrooss, Nr. 10. Am Laf vum Jor 1927 ass säi Geschäft vum Fotograf Emile Hamper (1901-1940) iwwerholl ginn.
Editeur vu Postkaarten
[änneren | Quelltext änneren]Mat senge Postkaarten huet de Schoren praktesch all Kuckeswäertes vu Lëtzebuerg ofgedeckt: d'Stad Lëtzebuerg, Iechternach, Beefort, Fiels, Dikrech, Veianen, Esch-Sauer, Branebuerg, Buerschent, Bad Munneref, déi Kleng Lëtzebuerger Schwäiz, d'Schmelze vun Esch-Uelzecht, etc. Donieft huet en och Evenenementer wéi d'Iechternacher Sprangpressessioun an de Stater Hämmelsmarsch festgehalen. Aner Sujete waren z. B. déi groussherzoglech Prinzessinnen, d'Fräiwëllegekompanie, de Gendarmeriekorps, de Mariekult, etc.
Biller
[änneren | Quelltext änneren]Literatur
[änneren | Quelltext änneren]- Massard, Jos. A., 2022. Postkarten und Fotos von Pierre Charles Schoren. Das Leben und Werk des Fotografen, der in den USA Erfahrung in der Fotografie sammelte. In: Die Warte, Das Feuilleton im Luxemburger Wort, Nr. 6|2713 (10. Februar 2022), S. 4-7, Luxemburg.
- Massard, Jos. A., 2022. Der luxemburgische Fotograf und Herausgeber von Postkarten Pierre Charles Schoren (1868-1935). Erweiterte Online-Version des Artikels: Postkarten und Fotos von Pierre Charles Schoren. Das Leben und Werk des Fotografen, der in den USA Erfahrung in der Fotografie sammelte. Die Warte, Das Feuilleton im Luxemburger Wort, Nr. 6|2713 (10. Februar 2022), S. 4-7, Luxemburg.
Um Spaweck
[änneren | Quelltext änneren]Commons: Pierre Charles Schoren – Biller, Videoen oder Audiodateien |