Prix Limes

Dëse Konschtartikel ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran.

De Prix Limes, och Prix d'Art Limes oder Kunstpreis Limes genannt, war e Konschtpräis vum Konschtveräin "Der Kunstverein /Cercle artistique LIMES e.V". Iwwerreecht gouf dee Präis tëscht 1988 an 2006 all zwee Joer am Kader vu Wanderausstellungen déi a verschidde Partnerstied wéi Arel, Esch-Uelzecht, Freyming-Merlebach, Bitburg, Blieskastel, Merzig, Saarlouis a Wittlich organiséiert goufen. Nodeem d'Christiane Hamann, déi lescht Presidentin vum Konschtveräin, sech no dräi Joer vun hirem Posten zeréckgezunn hat a keen Nofollger font gouf, ass de Konschtveräin 2007 opgeléist ginn. Domat war et och mam Konschtpräis eriwwer.

Laureate vu Lëtzebuerg

• 1992: Gérard Claude
• 1994: Guy Michels
• 1996: Marc Haller
• 2000: Roger Dornseiffer
• 2006: Anna Recker (1. Präis) a Fränz Hulten (2. Präis)