Linguas arauacan
![](https://upload.wikimedia.org/wikipedia/commons/thumb/c/c0/Arawak-Languages.png/220px-Arawak-Languages.png)
La linguas arauacan (ance nomida maipuran) es un familia cual ia developa entre alga abitantes orijinal de America Sude. Ramos ia migra a America sentral e la Antiles major en la Mar Caribe e la Mar Atlantica, incluinte cual es aora la Bahamas. Sola la areas moderne de Ecuador, Uruguai, e Txile no ia ave poplas ci parla linguas arauacan. Los es posible relatada a otra familias en un suprafamilia ipotesal macro-arauacan.
Un lingua de la familia - taino - ia developa en la isolas de la Mar Caribe, e ia es parlada par la popla prima encontrada par Cristoforo Columbo. El e sua seguores ia es culpable per la mata de miles de la tainos, en ajunta a la des miles tainos ci ia mori de la maladias la espanioles ia trae a la isolas e per cual la tainos no ia ave imunia.
Linguas arauacan es polisintesal e tipal marca la nucleo de un formula. Los ave un morfolojia complicada per la verbos, ma lo per nomes es min complicada e tende es simil tra la familia. La linguas es xef sufisante, con poca prefisas.
La familia es divideda entre du ramos major - norde e sude/sude-ueste - cual es sudivideda entre oto suramos e du linguas solitar.
Arauacan norde
- Linguas de Rio Branco - wapixanan, mapidian, atorada (3)
- Linguas palicur - palicur, aruan † , marawán † (3)
- Linguas ta-maipurean (arauacan sentral) (8)
- Linguas de Amazona alta (17)
Arauacan sude/sude-ueste
- Linguas arauacan sude - terena, linguas moho, saluma, lapatxu (11)
- Linguas paresi–uaura (6)
- Linguas piro (5)
- Linguas campa (6)
- Amuexa (1)
- Txamicuro (1)