Selcup (lingua)
![](https://upload.wikimedia.org/wikipedia/commons/thumb/a/af/Selkup_man.jpg/220px-Selkup_man.jpg)
La selcup (rusce: сельку́пы), asta la desenio de 1930 nomida la ostiac-samoiedes, es un grupo etnico samodeica, nativa a Sibir norde. Los abita la partes norde de Tomsc Oblast, Crasnoiarc Crai, Iamalo-Nenets Ocrug Autonom, e Nenets Ocrug Autonom. Los parla a lingua selcup, cual parteni a la linguas samodeica de la familia de linguas uralica.
La selcupes ia orijina en la basin media de la Rio Ob, de interatas con la popla ieniseian e popla samodeica cual veni a la rejion de la Montes Saian en la parte temprana de la milenio prima ce.
En la sentenio 17, alga de la selcupes ia move a norde per abita longo la Rio Taz e la Rio Turuhan. Los ia partisipa xef en xasa, pexa, e la doma de renos. En la sentenio 18, la selcupes ia partisipa en un campania grande de batisme. Ma multe ia reveni a sua credes e costumes relijiosa antica.
Seguente la conta de 2002, on ave 4249 selcupes en Rusia (4300 en 1970).
La lingua selcup es parlada par sirca 1570 persones en la rejion entre la Rio Ob e la Rio Ienisei en Sibir. La nom de la lingua veni de la rusce cелькупский язык (selcupskci iazic), de la nom nativa usada en la dialeto taz, шӧльӄумыт әты (xolcumit eti), leteral "lingua de la omes de la foresta". Otra dialetos usa otra nomes.
Selcup es fratida en un continua estendeda de dialetos cual no es comprendeda intera entre lunlotra. La tre varias major es la taz o norde dialeto (cual ia deveni la funda de la lingua selcup scriveda en la desenio de 1930), la tim o sentral dialeto, e la dialeto cet (no relatada a la lingua cet, ma locada a la Rio Cet).
Selcup ave 25 vocales e 16 consonantes en la dialeto taz.