Singles
Singles es un creol fundida sur engles, e parlada en Singapor. Car engles es ja un de la linguas ofisial en Singapor, singles es videda como avente prestijia basa. La governa e alga singapores tende descoraji la usa de singles e promove la usa de engles comun. Ma la creol continua es usada par la popla.
Ma alga parolas singles (spesial los adotada de xines, melaiu, e otra linguas de migrantes de la area) ia es an ajuntada a la Disionario Engles de Oxford - 19 parolas en 2016.
La orijina de singles es 146 anios (1819–1965) de rena par la brites. Pos cuando Singapor ia declara sua autonomia de la Impero Brites, engles ia comensa sua propre curso par la popla de la site-nasion. Migrantes de Malaisia, India, e Xina sude ia ajunta sua parolas, cuando nesesada, a la lingua, cual ajusta se a la abituas linguistica de esta misca de poplas.
La lingua es un continua de sosioletos (dialetos nonprescriveda):
- La acroleto es esensal engles comun con un minima de diferes, spesial en pronunsia. Lo es asetable par la plu alta partes de la sosia.
- La mesoleto es la forma la plu comun parlada de singles, un misca de engles comun singapor.
- La basoleto es la forma demotica de singles, con tota la varias fonolojial e gramatical, e la vocabulo asorbeda de la linguas visina. Esta es bon descriveda como la creol, e es comun la lingua prima de multe.
- La pijin es la forma de la lingua a la comensa de sua developa, en cual la parlores usa lo como un lingua nesesada per ativias comersial, ma nunca usada como un lingua madral.
La plu de singapores pote parla engles e creol, e pote cambia rapida entre la du, un capasia nomida "alterna de codigo" (en engles: "code switching"). Nota ance ce multe singapores pote parla, a un nivel alta e basa, linguas como hocien, melaiu, tamil, etc. Esta capasia per linguas es comun ala, como lo es comun en multe sites importante en comersia e turisme.
Fonolojia
[edita | edita la fonte]Consonantes
[edita | edita la fonte]Labial | Dental | Alveolal | Posalveolal | Palatal | Velal | Glotal | ||
---|---|---|---|---|---|---|---|---|
Nasal | m | n | ŋ | |||||
Esplodente Africante |
sin vose | p | t | tʃ | k | |||
con vose | b | d | dʒ | ɡ | ||||
Fricante | sin vose | f | ( |
s | ʃ | h | ||
con vose | v | (ð) | z | ʒ | ||||
Aprosiminte | l | r | j | w |
Singles inclui la plu de consonantes de engles, ma los pote es ajustada en alga modos:
- Engles th (/
θ / e /ð/) tende es pronunsiada t e d. A la fini de un silaba o parola, lo es comun pronunsiada como f , como en alga dialetos en England.- three > tree, then > den, with > wif
- p, t, e k es comun nonaspirada, e sona plu como los en, pe, espaniol. los sona simil a sua formas vosida a la orea engles
- pat > bat, tin > din
- A la fini de un silaba, l es pronunsiada como un l "oscur", pd en la retro de la boca. Lo deveni comun un w, o es cadeda.
- sale > saiw, roll > ro
- Consonantes silabal no aveni, donce finis como -en, -el, etc, es pronunsiada con la vocal clar, e no como 'n, 'l, etc como en engles comun.
- tak'n > taken, batt'l > battew
- La esplodente glotal (/ʔ/) no es cadeda a la comensa de un parola, donce parolas no lia con lunlotra como en engles comun.
- run-out-of-eggs > run ʔout ʔof ʔeggs
- La ʔ es usada en loca de consonantes esplodente a la fini de parolas, spesial en parla alga rapida.
- bad > bat, blog > blok
- A la fini de parolas, consonantes vosida tende perde vose.
- raise > rais, believe > belief
- grupos de consonantes a la fini de parolas tende perde la consonante final.
- relax > relac, bent > ben
Vocales
[edita | edita la fonte]Vocales simple
Fronte | Sentral | Dorsal | |
---|---|---|---|
Cluida (alta) | i (ɪ) | u (ʊ) | |
Cluida media | e | ə | o |
Abrida media | ɛ | ɔ | |
Abrida (basa) | a (ʌ) |
Vocales duple
ai | au | ɔi | iə | uə |
La vocales en singles es ance simil a los en engles jeneral, con alga esetas:
- i e u longa tende deveni corta.
- fleece > fliss, Luke > look
- a (æ) deveni e (ɛ), con alga esetas).
- pat > pet, dacron > decron
- u (ʌ) deveni a (a).
- up > ap, bus > bas
- o (ɒ) deveni o (ɔ).
- mock > mawk
- -r pos vocales e ante consonantes es tipal cadeda, plu como engles brites ca engles american.
- fire > fayuh, here > heeyuh
- la vocal reduida (ə) es tipal pronunsiada como lo es speleda. Ma lo es usada comun per a.
- pres'ntation > preesenteshen, absorb > ebzawb, ma about e again resta como un engles comun.
Gramatica
[edita | edita la fonte]Frases en singles comensa comun con un tema, como en japanes e xines.
- Dis country weather very hot one. ("The weather in this country is very wet")
- Dat joker der cannot trust. ("That joker there cannot be trusted")
- Tomorrow don't need bring camera. ("Tomorrow we don't need to bring a camera")
Nomes
[edita | edita la fonte]La usa de indicas de pluralia e determinantes es elejable.
- I like to read storybook ("I like to read storybooks")
- Your computer got virus or not? ("Does you computer have a virus?)
Verbos
[edita | edita la fonte]La copula (es) no tende es usada per introdui un ajetivo o partisipio presente.
- I damn naughty. ("I am very naughty")
- I still finding. ("I am still looking")
Indicas de tempo pasada es elejable en singles. Lo tende aveni plu con verbos noncoerente.
- When I young, I go school every day. ("When I was young, I went to school every day")
- He talk so long, never stop. ("He talked so long, he never stopped")
- I went to town yesterday. ("went" es la forma noncoerente de "go")
En loca de la pasada, parlores tende usa un parola per aspeta como "already" (oreddy) o la parola de la lingua hocien "liao".
- Yesterday, dey go there already. ('They went there already, yesterday")
- I eat liao. (= I ate, I have eaten)
Nega
[edita | edita la fonte]Nega es indicada par "not" ajuntada pos "es", "ave", "can't", "don't, etc. La tende de redui grupos de consonantes final, la -t es comun cadeda, e n es comun reduida a nasali de la vocal:
- I don't want > I dõ want.
- I can't do lah > I can do. "Can" es pronunsiada ken per distingui los.
La parola "never" es ance usada per la nega de un verbo en la tempo pasada.
- How come today you never hand in homework? ("How come you didn't hand in your homework today?")
Demandas
[edita | edita la fonte]Demandas de si o no es formida par ajunta "o not" a la fini de un demanda cual es ja negativa.
- You want this book or not?
Demandas de si o no en cual la parlor espeta ce la escutor acorda, fini con "is it?", simil a engles comun "right?".
- They never study, is it? ("They never study, isn't that so?")
Parolas repeteda
[edita | edita la fonte]Singles, como xines e melaiu, frecuente repete parolas. Un repete duple indica un poca, un truple indica multe.
- You go ting ting a little bit - "Go think a a bit"
- I sit down and I ting ting ting - "I sat and really thought about it.
- My boy-boy is going to primary one oreddy - "My son is going to the first grade already"
- You go take the big-big one ah - "You take the bigger one, okay?"
Paroletas
[edita | edita la fonte]Parlores de singles usa paroletas frecuente, plu comun adotada de xines o melaiu. Kena indica un vose pasiva en frases cual descrive avenis negativa:
- He kena scold - "He got scolded"
- Kena bully - "get bullied"
- Kena whack - "get beaten badly" (en juas o combata)
"Tio" es usada en un modo simil, ma pote es usada per avenis negativa e positiva.
- He tio cancer - "He was diagnosed with cancer"
- He tio lottery - "He won the lottery"
Singles ave multe plu paroletas como estas:
- one (a la fini de la frase) - eh, sempre
- then (den) - alora, donce
- oi (a la comensa de la frase) - surprende, ai!
- lah (a fini de frase) - oce? ta ce...
- wat (a fini de frase) - remente algun, si?
- mah (a fini de frase) - asentua ce la frase es evidente (como la engles de adolesentes - "duh!")