Baovemaer
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
![](https://upload.wikimedia.org/wikipedia/commons/thumb/9/97/Great_Lakes_Lake_Superior.png/220px-Great_Lakes_Lake_Superior.png)
't Baovemaer (Ingels: Lake Superior) is ei vanne vief Groeate Maeren in 't naorde vanne Vereinigdje Staote en 't zuje van Canada. Gezeen de oppervlakdje is 't 't grótste zeutwatermaer oppe werreld; waal is 't Baikalmaer in Siberië grótter kwa inhaad. De Kaspische Zieë is ouch grótter, meh besteit oet zaatwater. 't Baovemaer haet 'n oppervlakdje van 82.000 kmå en is daomit grótter es Tsjechië. De grótste lingdje is 563 km enne maximaalbrèdje is 257 km. De gemiddeldje deepdje is 149 m, mit 'n uterste van 406 m. 't Baovemaer bevatj 12.232 km² water. De waterkantj, mit alle eilenj d'rin beraekendj, is 4393 km.
't Maer grens aan Ontario in Canada, en Minnesota, Wisconsin en Michigan inne Vereinigdje Staote. 't Is 'n wichtige sjeepvaartverbinjing veur 't verveur van iezererts.
't Water van 't maer kump van mieër es 200 revere gedrieve, wovan de grótste de Nipigon, de St. Louis, de Pigeon, de Pic River, de White, de Michipicoten enne Kaministiquia zeen. 't Baovemaer zelf mundj via de St. Marys oet in 't Huronmaer. 't Grótste eilandj in 't maer is Isle Royale.
Wichtige stej die ane waterkantj van 't maer ligke zeen Duluth, Thunder Bay, Sault Ste. Marie (zowaal in Ontario es Michigan]]) en Marquette.
De beneuming Baovemaer is toegekandj door Franse óntdèkkingsreizendje die 't Lac Supérieur neumdje. Det kump óm 't is 't hoogs-gelaenge maer vanne Groeate Maere. 't Landj rónjelóm 't maer is riek aan delfstóffe. Me vindj hie koper, iezer, zilver, goldj en niekkel. Väöl stej zeen (aaj) mienstedjes of betroch bie 't ertsverveur. Wiejer wuuert 't maergebied bezóch door väöl toeriste veure netuur dao.