Hammerfest
Dit artikel is gesjreve (of begós) in 't Remunjs. Laes hie wie v'r mit de versjillende saorte Limburgs ómgaon.
![](https://upload.wikimedia.org/wikipedia/commons/thumb/5/5a/Hammerfest_Juni_2005.jpg/220px-Hammerfest_Juni_2005.jpg)
![](https://upload.wikimedia.org/wikipedia/commons/thumb/6/64/NO_2004_Hammerfest.svg/220px-NO_2004_Hammerfest.svg.png)
Hammerfest is 'n gemeinte in de pervincie (fylke) Finnmark in Nórwaeg. De gemeinte had 9.361 inweuners in 2006 en 'n oppervlakde van 847,0 km². 't Aantal inweuners de km² bedreug 11,1. De gemeinte is officieel neutraol waat betröf de keus van sjriefvörm.
De gemeintecode is 2004.
Hammerfest is ein van de naordelikste sjtej van Europa (en ouch de ganse waereld) en waas de eerste plaats in Europa die lektrische sjtraotverleechting haet gekrege (in 1891).
Same mit de zöstersjtad Vardø is 't ein van de aadste sjtej van Naord-Nórwaeg; 't kreeg sjtadsrechte op 17 juli 1789. Hammerfest haet zien sjtichting te danke aan de netuurlike zeehave in 't gebied en óndanks zien geografisch aafgelaenge ligking waas 't al vreug 'n plaats veur internasjenalen hanjel.
De ikkenomische basis van Hammerfest weurt gevörmp door de visserie, hanjel, deenste, toerisme en maritiem nieberheje. De sjtad vörmp e wichtig centrum veur 't aerdgaas en de aerdaolje.
Demografische óntwikkeling
[bewirk | brón bewèrke]Jaor | 1769 | 1801 | 1815 | 1825 | 1835 | 1845 | 1855 | 1865 | 1875 | 1890 | 1900 |
---|---|---|---|---|---|---|---|---|---|---|---|
Inweuners | 504 | 587 | 548 | 929 | 1.018 | 1.553 | 1.876 | 2.448 | 2.999 | 3.196 | 3.377 |
Jaor | 1910 | 1920 | 1930 | 1946 | 1950 | 1960 | 1970 | 1980 | 1990 | 2001 | 2006 |
Inweuners | 4.068 | 5.027 | 5.604 | 5.599 | 6.175 | 8.038 | 9.188 | 9.642 | 9.248 | 9.066 | 9.361 |
In 2004 waas 5,2% van de inweuners gebaore boete Nórwaeg.