Harlingen
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
![](https://upload.wikimedia.org/wikipedia/commons/e/e0/LocatieHarlingen.png)
Harlingen (Fries: Harns) is 'n stad en gemeinte in de Nederlandse provincie Friesland, mèt op 1 november 2006 15.417 inwoeners en 'n oppervlak vaan 387,67 km2 (daovaan 't groetste deil, 362,49 km2, water of wad). Neve de hoofplaots Harlingen umvat de gemeinte nog de dörper Midlum (Mullum) en Wijnaldum (Winaem). De Nederlandse naome zien officieel.
Historie
[bewirk | brón bewèrke]De historie vaan Harlingen es nederzètting weurt veuraofgegaange door 't dörp Almenum. Dit dörp waor in 777 de plaots boe de ierste christeleke kèrk in Friesland gestiech woort. In 1157 kaom hei ouch 't kloester Ludingakerke, wat al gaw ei vaan de riekste kloesters vaan Friesland woort. In deen tied waor 'n naobersjap ten weste vaan Almenum sterk opgekómme; dit waor Harlingen, wat in 1234 stadsrechte kraog. Almenum laog sinds 'n stadsoetbreiing in 1579 binne de walmör vaan Harlingen. Noordwestelek vaan Harlingen laog daobij ouch de stad Griend, allewijl e klei zandpleetsje in de Waddezie.
De stad Harlingen had veural belaank es centrum vaan de vèsserij, in 't bezoonder de walvèsvaart. In 1579 oonderteikende 't de Unie vaan Utrei. Iewelaank bleef Harlingen 'n klein stad oonder de rouk vaan 't veurnaomer Franeker mèt zien universiteit.
Op 1 januari 1984 woorte de dörper Midlum en Wijnaldum oet de daan opgeheve gemeinte Barradeel bij Harlingen geveug.
Externe link
[bewirk | brón bewèrke]![]() | ||
---|---|---|
Achtkarspelen · Ameland · Dantumadiel · De Fryske Marren · Harlingen · Heerenveen · Leeuwarden · Noardeast-Fryslân · Ooststellingwerf · Opsterland · Schiermonnikoog · Smallingerland · Súdwest-Fryslân · Terschelling · Tytsjerksteradiel · Vlieland · Waadhoeke · Weststellingwerf | ||