Harrie Steevens
- Dit artikel is gesjreve in 't Gelaens. Ómdat 't plaatsgebónge is, maogs doe 't ómzètte nao 't Aelses, es te dit dialek sjpriks.
![](https://upload.wikimedia.org/wikipedia/commons/thumb/1/13/Wielrennen%2C_amateurploeg_te_Nuth%2C_nummer_11_Steevens_%28kop_nummer_12_Leo_Duyndam%29%2C_Bestanddeelnr_919-4595.jpg/220px-Wielrennen%2C_amateurploeg_te_Nuth%2C_nummer_11_Steevens_%28kop_nummer_12_Leo_Duyndam%29%2C_Bestanddeelnr_919-4595.jpg)
Harrie Steevens (Aelse, 27 april 1945) is 'ne veurmalige Nederlandse fitserenner.
Biografie
[bewirk | brón bewèrke]Deze Limburger waas in de jaore zestig veural es amateur heël erg succesvól. In 1965 wón hae Olympia's Tour, wón hae in dezelfde wedsjtried teves drie etappes en woort hae eësjte in 't punteklassement. Ouch wón hae in dat jaor de tweë amateurklassiekers Sjter van Zjwolle en Ómloup van de Kempe. In 1966 wón hae de Runj van Limburg en waas hae winnaer van 'n aantal etappes en de greune trui in de Tour de l'Avenir (de Tour de France veur amateurs). In daen Tour woort hae teves tweëde in 't eindjklassement.
Es professional (vanaaf 1967) waas hae minder succesvol. Zien topjaor waas 1968. In dat jaor wón hae de Amstel Gold Race (mesjiens waal de belangriekste euverwinning in zien profcarrière), en de semiklassieker Paries-Camembert. Wiejer woort hae in dat jaor ouch tweëde in de Groate Sjeldepries en behaolde hae 'n etappe-euverwinning in de Runj van Andalusië.
In 1970 naom hae deil aan de Runj van Frankriek. Zien bèste prestatie in dees runj waas 'n 2e plaatsj in de 6e etappe. Hae woort 45e in 't eindjklassement. In 1971 stóng hae weer aan de sjtart, mèr moosj in de 6e etappe opgaeve nao euversjriejing van de tiedslemiet.
Euverzich resultate
[bewirk | brón bewèrke]Amateurs
[bewirk | brón bewèrke]1964
- Olympia's Tour: 3e plaatsj in 't eindjklassement, 1e plaatsj in 8e etappe
1965
- Olympia's Tour: 1e plaatsj in 't punteklassement, 1e plaatsj in 4e, 5e en 7e etappe
- Ómloup van de Kempe: 1e plaatsj
- Runj van Noord-Holland: 2e plaatsj
- Sjter van Zjwolle: 1e plaatsj
1966
- Olympia's Tour:1e plaatsj in 6e etappe
- Runj van de Toekoms: 2e plaatsj in 't eindjklassement, 1e plaatsj in 1e etappe, 1e plaatsj in 't punteklassement
- Runj van Limburg: 1e plaatsj
Profs
[bewirk | brón bewèrke]1967
- Amstel Gold Race: 3e plaatsj
1968
- Paries-Tours: 6e plaatsj
- Amstel Gold Race: 1e plaatsj
- Groate Sjeldepries: 2e plaatsj
- Paries-Camembert: 1e plaatsj
- Paries-Luxemburg: 5e plaatsj
- Runj van Andalusië (Ruta del Sol): 1e plaatsj in 7e etappe
- Runj van 't Noorde: 1e plaatsj
1969
- GP Pino Cerami: 3e plaatsj
- Ómloup van de Vlaamse Geweste: 2e plaatsj
1970
- Runj van Frankriek: 2e plaatsj in 6e etappe
- GP Orchies: 1e plaatsj
- Runj van Zjwitserlandj: 1e plaatsj in 2e etappe
1971
- Runj van Sjpanje: 3e plaatsj in 4e etappe
Tourdeilnames
[bewirk | brón bewèrke]- 1970 - 45e
- 1971 - opgaaf in de 6e etappe.
Ploge
[bewirk | brón bewèrke]- 1971 - Goudsmit-Hoff
- 1967 - Caballero
- 1968 - Willem II-Gazelle
- 1969 - Caballero
- 1970 - Caballero
- 1971 - Goudsmit
Brónne
[bewirk | brón bewèrke]- Website cyclebase.
- Euvergezat oet Wikipedia NL