Hugo de Jonge
![](https://upload.wikimedia.org/wikipedia/commons/thumb/7/75/Hugo_de_Jonge_2016.jpg/150px-Hugo_de_Jonge_2016.jpg)
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
Hugo de Jonge (26 september 1977, Bruinisse, allewijl gemeinte Schouwen-Duiveland) is 'ne Nederlandse politicus vaan 't CDA. Heer is minister vaan Volkshoesvesting en Ruimteleke Ordening in 't Kabbinèt-Rutte IV. Heer waor vicepremier en minister vaan Volksgezoondheid, Welzien en Sport is in 't Kabbinèt-Rutte III.
Heer is gebore neet wiet vaan Zwolle mer greuide op in Rotterdam. Vaan 2010 bis 2017 waor heer de Wèthawwer vaan Oonderwies, Jäög en Gezin in Rotterdam. Same mèt de fracties vaan de PvdA en PVV perbeerde heer en de CDA 'n gróp Mohammedaonse sjaole te slete vaanwege groete perbleme umtrint indexamedeefstal mer daoveur feelde de wètteleke moyens. In 2014 woort heer obbenuits wèthawwer mer noe veur de zörg. In 2016 raakde heer in opspraok umtot heer leet weite zwaakere Rotterdamse femilies daovaan te wèlle euvertuige vrijwèlleg anticonseptie te gebruke. In datzelfde jaor woort De Jonge ouch oetgerope tot Rotterdamse Politicus vaan 't Jaor.
Bij de val vaan 't Kabbinèt-Rutte II en de start vaan Rutte-III, naom De Jonge 't vicepremiersjap euver, same mèt Kajsa Ollongren en Carola Schouten, vaan de PvdA'er Lodewijk Asscher. 't Ministersjap vaan Volksgezoondheid, Welzien en Sport naom heer euver vaan zien partijgenote Edith Schippers.
Sinds 15 september 2024 is De Jonge waarnemend Commissair vaan de Keuning van Zieland.
De Jonge is lid vaan de Protestantse kèrk. Heer is getrouwd en heet twie kinder.