Novosibirsk
Dit artikel is gesjreve (of begós) in 't Kirchröadsj. Laes hie wie v'r mit de versjillende saorte Limburgs ómgaon.
![](https://upload.wikimedia.org/wikipedia/commons/thumb/d/df/NovosibirskLocatie.png/220px-NovosibirskLocatie.png)
Novosibirsk (Roessisj: Новосибирск, Na-va-sie-BIERSK, bis 1925: Novonikolajevsk) is ing sjtad en jemingde i de oblas Novosibirsk i 't weste va Siberië, Roesland. De plaatsj houw hüj (2010) 1.473.754 i-woeënere. Ze houw i de jesjiechte ’n bevölkeroeng va 1.425.508 i 2002 en 1.463.516 i de Sovjet tsied (1989). De plaatsj is 2.932 km2 jroeës dus mach dat i 2010 ing sjtad mèt 2.929,3 i-woeënere de km2. Ze is industrieel de wichtigste sjtad va Siberië. Tsesame mit de anjer dörper i d'r betsierk houw ze i 2010 ing bevölkeroeng va 1.591.645. Doa-oave ligkt 't, veur Roessisje terme, óch nit wied va Omsk (647 km), Toms (275 km), Kemerovo (261 km), Novokoeznetsk (368 km) en Barnaul (232 km), en Semey (677 km) i Kazachstan. Ze ligk 3.372 km va Moskou en 3.822 va Sint Petersburg. De ökonomie is vuural indusjtrie. Novosibirsk woar sait 1893 bewoeënd en woeët in 1903 van e jroeës dörp ing riechteje sjtad. De lü in de sjtad kalle vuural Roessisj.