Remco Campert
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
![](https://upload.wikimedia.org/wikipedia/commons/thumb/9/9e/Feest_der_Letteren-_2015-1-17.jpg/220px-Feest_der_Letteren-_2015-1-17.jpg)
![](https://upload.wikimedia.org/wikipedia/commons/thumb/a/ad/GardeniersCampert.jpg/220px-GardeniersCampert.jpg)
Remco Wouter Campert (D'n Haag, 28 juli 1929 - Amsterdam, 4 juli 2022) waor 'ne Nederlandsen diechter, sjriever en columnis.
Biografie
[bewirk | brón bewèrke]Campert woort in 1929 gebore es zoon vaan Jan Campert, ouch diechter, en actries Joekie Broedelet. Wie heer drei jaor aajd waor gónge zien awwers oeterein. Sindsdeen woende heer aofwisselend bij eine vaan hun en bij zien groetawwers. In 1942, 't jaor tot ziene pa woort opgepak, kaom heer in e pleeggezin. Wie 't hoes vaan zien pleegawwers veur Duitse vestingwerke woort aofgebroke, verhuisden 't gezin nao Epe. Dao doorleep Campert de mulo. Nao d'n oorlog góng heer in Amsterdam bij zien moojer woene en gymnasium loupe. Dat maakde heer evels neet aof, umtot heer sjriever wouw weure.
Campert góng veuriers commercieel aon 't werk, es sjriever vaan reclametekste en vertaolinge. In 1950 brach heer zien ierste bundelke oet, Ten lessons with Timothy. Datzelfde jaor riechde heer same mèt Rudy Kousbroek 't tiedsjrif Braak op. Nog datzelfde jaor kaome Lucebert en Bert Schierbeek bij de redactie. In 1951 gaof Simon Vinkenoog, oetgever vaan Braak ziene concurrent Blurb, de blomlezing Atonaal oet. Hei-in woorte veerze opgenome vaan diverse, veural mèt Amsterdam verboonde, jóng experimenteel diechters. Vaanaof daan woort Campert mèt de zijne tot de Vieftegers gerekend. Ouch al vreug in de jaore viefteg begós Campert mèt 't sjrieve vaan 'cursiefkes' (columns zouwe v'r noe zègke) en korte verhaole. In 1961 volgde zienen ierste roman, Het leven is vurrukkulluk.
In 1952 trouwde Campert in Paries mèt Freddy Rutgers. Nao e paar jaor woort dat houwelek oontboonde. In 1957 trouwde Campert veur d'n twiede kier, noe mèt Fritzi Harmsen van Beek. Dat houwelek heel mer e jaor stand. Heer kraog 'n relatie mèt Lucia van de Berg, mèt wee 'r in 1960 al e keend kraog meh pas in 1961 trouwde. E later keend woort de fotograaf Cleo Campert. In 1964 verhuisde ze nao Antwerpe; nao weer 'n sjeiing in 1966 góng Campert allein nao Amsterdam trök.
In de jaore zeventeg leep Remco Campert tege e writer's block aon en publiceerde heer mer zier wieneg. Pas vaanaof 1979 kaom heer weer vol in actie. In de jaore tachteg en negenteg kraog heer groete bekindheid bij e breid publiek. Dit kaom oonder mie door samewèrkinge en optrejjes mèt Bart Chabot en Jan Mulder. In 1996 trouwde heer mèt zien veerde vrouw, galeriehawster Deborah Wolf, mèt wee 'r al ieder had samegeleef.
Oondertösse góng Campert door mèt zien columns, noe ins mèt Mulder same (in de rubriek CaMu in de Volkskrant), daan weer allein. Ouch op hoege leeftied góng heer daomèt door; in 2016 begós heer zelfs weer te sjrieve veur Elsevier, 't blad boe heer in de jaore viefteg al veur had gesjreve. Op 6 miert 2018 gaof heer evels aon te stoppe mèt sjrieve. De bundel Mijn dood en ik oet 2019 woort zien lèste publicatie.
In de nach vaan 3 op 4 juli 2022 stof Campert, e paar weke veur zien 93e verjaordaag.
Stijl
[bewirk | brón bewèrke]Campert weurt wie gezag gerekend tot de Vieftegers, 'n generatie jong diechters die kort nao d'n Twiede Wereldoorlog opkaom. Wie zien collega's zaog heer aof vaan rijm en metrum (vrij veers). Es reactie op de Nui Zakelekheid is hun werk ouch sterker poëtisch, d.w.z. neet zoe doordroonge vaan alledaogse wäörd en beelder. In vergelieking mèt aander vieftegers wie Vinkenoog en Lucebert is Campert zie werk nog good te begriepe. E bekind gediech vaan häöm is "Poëzie is een daad van bevestiging".
Zie proza, wat begós bij verhaole meh ziech laankzaam tot echte romans verbreidde, is dèks satirisch vaan aard. E book wie Tjeempie! of Liesje in luiletterland nump zowel de börgeleke wereld es de tegecultuur op d'n hak, oonder wee diverse kunstenere oet Campert zien eige umgeving. Het leven is vurrukkulluk vertuint zelfs oonverhole cynisme.
Lies vaan werke
[bewirk | brón bewèrke]Poëzie
[bewirk | brón bewèrke]- 1950 - Ten lessons with Timothy
- 1951 - Vogels vliegen toch
- 1951 - Vierendelen (mèt Hans Andreus, Hugo Claus en Simon Vinkenoog)
- 1952 - Een standbeeld opwinden
- 1953 - Berchtesgaden
- 1955 - Met man en muis
- 1955 - Het huis waarin ik woonde
- 1959 - Bij hoog en bij laag
- 1962 - Dit gebeurde overal
- 1965 - Hoera, hoera
- 1968 - Mijn leven's liederen
- 1968 - Dit gebeurde overal/Hoera, hoera
- 1970 - Betere tijden
- 1979 - Theater
- 1983 - Scènes in Hotel Morandi
- 1984 - Drie vergeten gedichten
- 1984 - Amsterdamse dagen
- 1984 - Zeven vrijheden (bij etse vaan Hannes Postma)
- 1985 - Dit gebeurde overal
- 1986 - Collega's
- 1988 - Toen ik je zag (bij foto's vaan Peter Dejong)
- 1992 - Rechterschoenen
- 1994 - Restbeelden: notities van Izegrim
- 1994 - Straatfotografie
- 1997 - Ode aan mijn jas
- 2004 - Over en weer (mèt Cees Nooteboom)
- 2006 - Acht waterschetsen (mèt foto's vaan Erwin Olaf)
- 2007 - Nieuwe herinneringen
- 2007 - Lamento (gesproke teks op meziek vaan de Nederlandse jazzmuzikant Benjamin Herman)
- 2011 - Een oud geluid (gepubliceerd n.a.v. Gediechtedaag 2011)
- 2014 - Licht van mijn leven
- 2016 - Langs de Kaai (mèt Ysbrant, Antwerpe, Demian)
- 2018 - Open ogen
- 2019 - Mijn dood en ik
- Blomlezinge en verzameld werk
- 1976 - Alle bundels gedichten; 1951-1970
- 1988 - Een neger uit Mozambique (blomlezing)
- 1995 - Dichter (verzaomelde gediechte)
- 1999 - Rataplan / Lamento (blomlezing: 32 gediechte mèt Maleise vertaoling)
- 2000 - Kus zoekt mond (blomlezing)
- 2002 - Ja rozen (blomlezing)
Romans en novelle
[bewirk | brón bewèrke]- 1961 - Het leven is vurrukkulluk
- 1963 - Liefdes schijnbewegingen
- 1968 - Tjeempie! of Liesje in luiletterland
- 1985 - Somberman's actie (Bokeweekgesjenk)
- 1996 - Heet van de naald (kinderbook)
- 2001 - Beschreven Blad
- 2004 - Een liefde in Parijs
Verhaole, columns en aander proza
[bewirk | brón bewèrke]- 1953 - De oude dame
- 1953 - Eendjes voeren (verhaole)
- 1955 - Met man en muis
- 1955 - Alle dagen feest (verhaole)
- 1956 - Van de wijs (verhaole)
- 1956 - Lodewijk Sebastiaan (verhaole veur kinder)
- 1958 - De jongen met het mes (verhaole)
- 1960 - Een ellendige nietsnut (verhaole)
- 1960 - Oome Loes
- 1962 - Het paard van ome Loeks (verhaole)
- 1964 - Nacht op de kale dwerg (verhaole)
- 1965 - Het gangstermeisje
- 1968 - Fabeltjes vertellen (verhaole)
- 1969 - Hoe ik mijn verjaardag vierde (verhaole)
- 1972 - In het wilde weg
- 1973 - De jongen met het mes/Nacht op de kale dwerg (verhaole)
- 1974 - Op reis (mèt Willem Malsen)
- 1974 - Alle dagen feest (verhaole)
- 1974 - Basta het toverkonijn (verhaole veur kinder)
- 1978 - Waar is Remco Campert? (verhaole)
- 1980 - Na de troonrede (verhaole)
- 1980 - De tijden ('Keersmesweekgesjenk' vaan Haagse Post)
- 1982 - Een beetje natuur (verhaole)
- 1983 - De Harm en Miepje Kurk story
- 1984 - Wie doet de koningin (columns)
- 1984 - Kinderverhalen van Remco Campert (printsjes vaan Tineke Schinkel)
- 1985 - Zijn hoofd verliezen
- 1986 - Rustig
- 1986 - Tot Zoens (verhaole)
- 1987 - Eetlezen (columns)
- 1989 - Zachtjes neerkomen
- 1990 - Gouden dagen
- 1990 - Graag gedaan (columns en verhaole)
- 1991 - Dansschoenen
- 1993 - Het bijzettafeltje (columns)
- 1994 - Fiebelekwinten (buuntekste mèt Jan Mulder)
- 1994 - Vele kleintjes
- 1995 - Ohi, hoho, bang, bang of Het lied van de vrijheid
- 1996 - De zomer van de zwarte jurkjes (verhaole)
- 1996 - Oom Boos-Kusje en de kinderen (kinderbook; printsjes vaan Poeka Veldman)
- 1997 - CaMu 1996 (columns)
- 1998 - CaMu 1997 (columns)
- 1998 - Een mooie jonge vriendin en andere belevenissen
- 1999 - CaMu 1998 (columns)
- 1999 - Familie-album (Bokeweekessay, mèt Jan Mulder)
- 2000 - Als in een droom
- 2000 - CaMu 1999
- 2000 - De schrijver - Een literaire estafette (mèt Harry Mulisch, Gerrit Komrij, Adriaan van Dis, Maarten 't Hart, Marga Minco, Hugo Claus en Joost Zwagerman)
- 2001 - CaMu 2000 (columns)
- 2001 - De familie Kneupma
- 2002 - CaMu 2001
- 2003 - De Lijst Mallebrootje. Drs. Mallebrootje en het jonge ding uit de achterban (columns)
- 2004 - CaMu 2003
- 2004 - Campert compleet
- 2004 - Schrijversleven
- 2004 - Over mijn vader
- 2005 - Tien jaar Nederland (CaMu)
- 2006 - CaMu 2005
- 2006 - Een geschenk uit de hemel
- 2006 - Het satijnen hart
- 2007 - Een lach en een traan
- 2007 - Dagboek van een poes
- 2007 - De olifant die lui was
- 2008 - Het avontuur van Iks en Ei
- 2010 - Om vijf uur in de middag
- 2010 - Mijn eenmanszaak
- 2012 - Het verband tussen de dingen ben ik zelf (columns)
- 2013 - Hôtel du Nord
- 2017 - Campert & Campert
- Verzamelinge en blomlezinge
- 1971 - Campert compleet (verzaomelde verhaole)
- 1972 - James Dean en het verdriet (blomlezing)
- 1991 - Campert compleet vervolg, verhaole 1971-1991
- 2001 - Alle verhalen
Bron
[bewirk | brón bewèrke]Dit artikel is gebaseerd op 't corresponderend Nederlandstaoleg artikel, en wel in dees versie.